İroni xarıci vəzir: Cənubi Ğəfğaz məntəğədə bəpe daimə sulh və stabiləti icod bıbu

İroni xarıci vəzir: Cənubi Ğəfğaz məntəğədə bəpe daimə sulh və stabiləti icod bıbu

İroni xarıci vəzir Huseyn Əmirəbdullahiyan İks nomo sosiyal şəbəkədə nıvıştəşe: de Erməniston və Azərbaycan R.ədə bıə İroni səfiron vindemonədə ım məntəğədə daimə sulh və stabilətiro bə diplomatiya təşkiloti təmərkoz iyən bə Cənubi Ğəfğaz diğğət kardey be ım ki co qılə kişvəron mıdoxilə bıkon, təkid bıə.

Əv ijən nıvıştəşe bə İroni İslomi Respublika devləti hamsuyə bey siyosəti əsos bəpe de ım 2 qılə kişvər, İroni rabitəon əlovə peydo bıko.

Erməniston və Azərbaycan R.ədə bıə İroni səfiron, Məhdi Sobhani və Seyd Əbbas Musəvi de İroni diplomatiya təşkiloti yol, Huseyn Əmirəbdullahiyani mıştərəkə iclosədə deyande vindemon və məşvərət kardışone.

Sentiyabrə manqi 19 iyən 20 minnə rujonədə bə Ğərəboği Azərbaycan R. ləşkəri həmlə bəpeşt, 80 həzo nəfəriku vey bə Ermənistoni kişvər pənoh vardışone be.

Erməniston, Azərbaycan R. mıttəhəmış kardə ki Ğərəboğədə ğovmi pok kardey siyosəti dumoədəy.