De israili cinoyəton muxalifəton dəvom; İstanbulədə sionist rejimi kunsoli vədə etırozəkəyon mitinq
Ğəzzə tanqədə bə sionist rejimi etosniye etırozədə Tırkiyə şahrvandon İstanbulədə və israili pesoxtə bıə rejimi kunsoli vədə maşini kərvoni mitinq bərpo kardışone.
Bə Təsnim aqentiyəti raporti əsos , İşəmbə rujədə Tırkiyə millət ım mitinqədə de muğaviməti mehvəri kişvəron pərçəmi bə dast qətey vositə, xususi Yəməni kişvəri pərçəm, Sıə dıyoədə bə sionist rejim və Amerkə mənafe həmlə kardeydə Yəməni hərəkətiku ıştə himoyə nışo doşone.
Həminə holədə bə işğol bıə sərzəminon, Azərbaycan R.ku nati ovoştoniye və həvote etırozədə, kali Tırkiyə tələbon həm İstanbulədə Azrbaycan R. kunsoli mığobilədə qırd bıə.
De ım vecud ki Ğəzzə canqiku 110 rujiku vey dəvardedə Tırkiyədə umumi fikon vey muhimmə tənğidonku qıləyni ım be ki boçi ım kişvər bə işğol bıə sərzəminon əmtəə ixroc kardedə və ya Biku nati tranzit kardedə.
