Bə işğol bıə sərzəminon Tırkiyə pulo ixracati şirkəti vədə mitinq

Tırkiyə şahrvandonku kali bə işğol bıə sərzəminon ım kişvəri pulo ixracati etırozədə, ixracəkə şirkəti mığobilədə mitinq bərpo kardışone.

Bə Təsnim aqentiyəti raporti əsos, işəmbə rujədə Tırkiyə millət İstanbulədə İçdaş şirkəti ofisi mığobilədə mitinq bərpo kardışone və bə işğol bıə sərzəminon ım kişvəri pulo ixrac kardey reaksiya nışo doşone və ıştə etırazon bəyon kardışone.

Im mitinqədə iştirokəkəyon şuar doşone ki "etosniyeədə şərik məbu, ıştə rabitə ğət bıkon".

Votey bəbe ki Tırkiyə İçdaş şirkət, sionist rejimi 25 faiz pulo təmin kardedə.

Dəvardə haftədə həm Tırkiyə şahrvandon Ğəzzə tanqədə bə sionist rejimi etosniye etırozədə İstanbulədə israili pesoxtə bıə rejimi konsulqəri vədə, maşini kərvon mitinq bərpo kardəşone be.