Azərbaycan Respublika mudafiyə vəzir bə Ərəbıston səfərış kardə.
-
Azərbaycan Respublika dıvlət və iştimaiyətədə Ərəbistoni nıfuz vey ziyod bıə.
De Ərəbıstoni rəsmion mılağat və muzakirə karde xoto Azərbaycan Respublika mudafiyə vəzir bə Ərəbıston səfərış kardə.
Bə İrib raporti əsos çı Azərbaycan Respublika mudafiyə vəzir Qeneral Zakir Həsənov bə Ərəbıston səfər karde cərəyonədə ğərare de Ali Səudi podşoh Səlman Bın Əbdul Əziz, keral Muhəmməd Bın Səlman Bın Əbdul Əziz və Ərəbistoni kerali caneşin, i minə vəziri muavin və mudafiyə vəzir ijən co Ərəbistoni rəsmion mılağat və votımon bıku.
Ğeyd bıə ki ım səfəri hədəf Azərbaycan Respublika və Ərəbıstoni miyono həmkarion barədə sohbət karde ijən bəzi məntəğə və əmniyyətiyə mıvzoon barədə muzakirə karde heste.
Dəvardə soronədə Ərəbistoni nıfuz çı Azərbaycan Respublika dıvlət və iştimaiyətədə vey ziyod bıə.
Hələ ım səfəri ditalon barədə hiç çi muntəşir bıə ni.
