Pars Today

Azərbaycan Respublika qıləy siyasi koşınas Amerka bə Suriyə hərbiy hucumi hadisəş dınyo huğuği və beynəl xalğiyə ğanonon ləğv əkə tosifış kardə.

Elnur Mənafzadə bə Səhər kanali votışe: Donald Tramp və Amerkə navnə prezidenton miyono hiç farği ni boçi ki Tramp həm bə intixabatiyə vədəon peşt karde ujnən məntəğədə ıştəniku duəvujəti nışoş do.

Mənafzadə ım nuktə təsdiğ kardə ki Tramp qıləy holədə bə Suriyə rəkətiyə hucumış kardə ki konqres və i bıə milləton təşkilatiku icuz qətış nebe.

Əv əlovəş kardə: Amerkə de diğğət bə ım nuktə ki çəy siyasəton Suriyədə bə nəticə nerəsə ijən Daeş əyo məğlub bıə Bəşşar Əsədi dıvləti bə kimiyabiyə silohonku istifodə karde mıttəhəmış kardə ta bə Suriyə hucum kardero qıləy bəhonə besoxti.

Azərivıjə koşınas təsdiğış kardə: bə Trampi hucumi peştədə mande xoto Ərəbiyə kişvəron himoyədorti çəvon damni bəqəte.

Amerkə, cımə sıbi faxti de Suriyə Edleb şəhri kimiyabi şək-şobhəinə hucumi bəhonə miyonə diyoku 59 qılə rəkıtış bə Suriyə Homs şəhri Əlşəirat baza ğandışe.

Im hucumədə 9 qılə çı Suriyə ğeyri hərbion əcumlə 4 qılə hırdənon kışte və 7 nəfər zəxmin bıən.

Suriyə dıvlət vey kərə, ıştə hərbion tərəfiku kimiyabiyə hucumonış rəd kardə.