Azərbaycan Respublika deptat: İron bənə məntəğədə vey təsirin iyən rol ifa əkə kişvəre.
-
İroni millət həmişə siyasi meydonədə ıştə kişvəri peştədə mandəşone.
Çı Azərbaycan Respublika milli məclesi nımoyəndəonku qıləyni İronış məntəğədə qıləy muhimm və rol ifa əkə kişvər hisobış kardə.
Aydin Mirzazadə bə Səhər kanali mısohibə doe cərəyonədə votışe: dınyo ısətnə vəziyətdə İron bənə qıləy siyasi vey nıfuzinə kişvər karde zınəşe çandə məntəğə hadisəonədə çokə təsirış bıbu.
Mirzazadə əlovəş kardə: İron qıləy mədəniyət xıvand bıə kişvər ijən demokratikə məmlekəte ki çəy millət həmişə siyasi meydonədə ıştə kişvəri peştədə mandəşone.
Əv bə İroni omə səçın və Mayə manqi 19 minə ruji əzəmətinə intixabaton işorəş kardə və votışe: İroni nizomədə milləti iradəon bım kişvəri siyasi sərneveşti mıəyyən kardero həmişə anədə təsirış bıə ki İroni nizomi inkişof və ozavziye boyis bıə.
Mirzazadə ijən votışe: İroni bım dıvrə səçınədə həm çəvon səlohiyət təsdiğ bıə namzədon bə İron və Azərbaycan Respublika miyono rabitəon inkişof doe məxsusə diğğətışone.
