Dınyo mısılmonon vəhdət və i bemonədə çı İmom Xomeyni(r) təsir və nəğş.
-
Ğuds beynəl xalğiyə ruji elan bey qornə İmom Xomeyni(r) tədbir.
Bukoədə İroni səfir votışe: İmom Xomeyni(r) həmişə bə dınyo mısılmonon vəhdət və i bemon təkidışon be.
Bə İrna raporti əsos Azərbaycan Respublikadə İroni səfir Cəvad Cəhanqirzadə Bukodə moasirə dınyoədə və İmom Xomeyni(r) vindemonədə islamo fobiya siyasəti ruşin karde nomo iclosədə votışe: hal hazirədə ğərb səy və cəhd kardedə ta islam dini vırəş xərob bıkə bə çəy xoto isət dınyoədə islamo fobiya fəaliyəton rəvoc dodə.
Cəvad Cəhanqirzadə əlovəş kardə: jıqonə şərayetədə islamiyə kişvəron har zəmoniku vey bə vəhdət iyən i bemon ehtiyocışone və bəbe həminə sahədə mocodə maneon peydo kəmon iyən əvoni peqəte cəhətədə səy və cəhd kəmon.
Im iclosədə çı Azərbaycan Respublika dini təşkilaton dıvlətiyə kamissiya muavin Səyyad Aran həm İmom Xomeyni(r) şəxsiyətış tarixədə vey məşhur və yolə şəxsiyət hisobış kardə və votışe: nızə şərğ və islamiyə kişvəronədə bıə mocodə vəziyət iyən canq və daveon dəvom peydo karde əsliyə amil mısılmonon miyono vəhdət və i bemoni nıbeyku rişəş qəte.
Im icıosədə dınyə mısılmonon həx və huğuği mudafiə karde sahədə məxsusən bə Fələstin milləti himoyə karde xoto Ğuds beynəl xalğiyə ruji elan bey qornə bə İroni islamiyə inğilabi təsis əkə Mərhum İmom Xomeyni(r) təsir və diğğəton işorə bıə.
