Azərbaycan Respublika paytəxt Boku şəhrədə coqlə məçitışon xərob karde.
Azərbaycan Respublika coqlə tarixiyə məçit nımojəvoton coni əmniyyəti vavunədə Boku şəhrədə xərob be.
Bə APA aqentəti xəbon əsosi Azərbaycan Respublika əmniyyətiyə ğıvvon pəynə şanqo Boku şəhrədə Hoci Cəvad nomo bıə tarixiyə məçitışon məçiti bina sıst be vavunədə iyən nımojəvoton coni əmniyyətiyə vavunədə cəmaəti veyə etirazon miyonədə xərobışon karde.
Boku mer dəvardə aprelə manqi Hoci Cəvad nomo tarixiyə məçiti xərob karde ğəsdış hest bı ki cəmaəti şiddətinə etirazon xoto çı əməliku bə kəno mande.
dəvardə 3 manqədə ım Azərbaycan Respublika 2 minnə tarixiyə məçite ki xərob bedə.
dəvardə apreli 11 minnə ruji həm Boku şəhrədə Hoci Əbdulrəhimbeyk tarixiyə məçit həm şəhri ovonəbıkə planədə ğəror qəte vavunədə xərob be.ım məçit Azərbaycan Respublika mədəniyyət vəzorətxonə tarixiyə əsəron siyahiədə be.
Azərbaycan Respublika devlət və məclis dəvardə soronədə mıslmonon məxsusən şiəyonru ki çı məmləkəti əksəriyyəti təşkil dodən şiddətinə təziğonış nəzədə qətə.
bokuədə bə tojə ğanonon əsosi nımoji bərpo karde ə ruhaniyon tərəfiku ki bəzi islamiyə məmləkətonədə təhsılşon dəvoniyə ğədəğən bə.
azərbaycan Respublikaədə təziğinə hərəkəton qıləy şərayetəndəy ki çı məmləkəti devlət 200 qıləsə veyə ruhani və islamiyə mubəlliği dəstqir kardeədə islamiyə məmləkəton arədə bənə həmməysə veyə ryhaniş zindoni kardə.