Çı İraği əraziku Kırdıston məntəğə co karde Miyonə Şərğ və hamsuyə kişvəronədə bıə ğərbiyon tərəfo irğçiyə ixtilafon iyən noəmnəkə hərəkəton plane.

Azərbaycan Respublikaədə qıləy ənıvışt Azər Rəşid Oğli Bukoədə çap bıə Şərğ nomo rujnomədə Kırdıston məntəğə referendumi bo Miyonə Şərğ iyən məntəğəro qıləy bevəcə hərəkət həmçınin təcziyə tələbanə siyasəti oşkorə nımunə hisobış kardə iyən votışe: İrağiku Kırdıstoni co karde bo məntəğəro vey xətərnakə nəticəon boys bəbe.

Əv votışe: ım mıvzo boys bəbe ki bo sərhəddon ijən mıəyyən kardero İrağ və hamsuyə kişvəron miyono problemon icod bıbu.

Rəşid Oğli Kırdıston məntəğə referendumi bo İraği ərazi təmamiyyət iyən siyasəti i bemoniro qıləy ciddiyə təhdid zınəş be və təkid kardə: həmonə referendum çı beynəl xalğiyə təşkilaton tərəfiku təsdiğ ni bəbe.

Im Azərbaycanıjə ənıvışt ğərbiyə kişvəron 2 dimə siyasətonku tənğidış karde ijən votışe: Amerkə və ğərbiyə kişvəron çı miyonə şərği noəmn karde fikədən.

İraği kırdıston məntəğə bəzi partiyaon de Məsud Barezani ğəroli bərobər Sentiyabri 25ədə İraği kırdıston məntəğə mıstəğil bey referendumi təsdığ kardən.

İraği mərkəziyə dıvləti rəsmi şəxson iyən məntə kişvəron vey kərə ıştə muxalifəti de həminə ğərol elan kardedən.