İron və Rusiyə mudafiə vəziron de terrorizm mubarizəon dəvom doe tələb kardışone.

İron və Rusiyə mudafiə vəziron qıləy telefoniyə rabitədə 2 qılə kişvəri miyono mudafiə sahədə həmkari və əloğəon dəvom doe, beynəl xalğ və məntəğə hadisəon ijən de terrorizm mubarizə barde xoto sohbət kardışone.

Qeneral Mayor Hatəmi de Rusiyə mudafiə vəzir Serqey Şoyqo telefoniyə rabitə cərəyonədə votışe: 2 qılə kişvəri mudafiə ğudrəti ziyod karde bo məntəğə və dınyo əmniyyəti zumand kardero vey muhimme iyən çı Tehron-Moskva muhimmə əloğəonku iborəte.

İroni mudafiə vəzir təsdiğış kardə: Amerkə əsəbin bey ijən Amerkə rəsmion jıqo bə İroni zidd fişaron de terrorizm mubarizə barde xoto İron və Rusiyə miyono həmkarionku heste məəxsusən ki Suriyədə ısət çı Amerkə muxtəlifə plan və xətərnokə siyasəton məğlub be.

Qeneral Mayor Hatəmi ijən çı Russiyə vindemon və himoyəonku ğədərdontiş kardə və votışe: de terrorizm mubarizə bardero Sepah çı İroni zumandə ğıvvə heste ki hiç amili karde ni bəzne çı Sepah ım məsuliyəti bə kəno iyən təcrid bebə.

Russiyə mudafiə vəzir həm ım telefoniyə rabitə cərəyonədə de terrorizm mubarizə barde xoto bə İron və Russiyə miyono muhimmə və ciddiyə həmkarion işorəş kardə və ətomiyə təvafuği barədə həm votışe: Russiyə vindemoniku İron bə ətomiyə təvafuğ əməlış kardə ijən ım təvafuği ləğv və ya xot çəyku xaric bey lozim ni.