Əliyev: İron və Azərbaycan Respublika miyono təvafuğ iyən mığoviləon bə nəticə rəsedə.

Azərbaycan Respublika prezident bə İron və Azərbaycan Respublika miyono ticarət miğdori veyə əlovəon işorəş kardə və votışe: ım inkişof nışo doydə ki həmmə hasil bıə təvafuğon icra bey holədəy və çəy nəticəon İron və Azərbaycan Respublika əloğəon miyono mışohidə bedə.

Bə İrna raporti əsos İlham Əliyev çı İroni iğtisod vəzir Məsod Kərbasiyani vindemon karde cərəyonədə votışe: dəvardə sorədə İron və Azərbaycan Respublika miyono həmkarion miğdor 70 faiz ziyod bıə və ımsornə sori i minə 9 manqi mıddətdə həm dəvardə sori mığoyisədə ım miğdor 30 faiz ziyod be.

Əliyev bə İron və Azərbaycan Respublika miyono rabitəon muvəffəğə sirətinə inkişof işorəş kardə ki 2 qılə kişvəri rəsmi şəxson miyono mıloğaton ım sahədə vey muhimme.

Əv bə İron iyən Azərbaycan Respublika miyono mıştərəkə yolə proyekton dəvoniyə işorəş kardə və ım sahədə çokə həmkarion dəvom doe barədə əv həm omə soronədəvey omidvar və xatircəm mandə.

Məsod Kərbasiyan həm bənə İronvə Azərbaycan Respublika iğtisodi həmkarion İronıjə rəisi onvan ticarət sahədə bo İroni səhmi ədaştə xoto və həmkarion inkişof təkidış ka.

Əliyev və Kərbasiyan ijən iğtisod, nəğliyat, səhihiyə, ditəsərrufat, bankiyə həmkarion ijən çı şimal, cənub nəğliyyatdə helizi komil kardero bə İron və Azərbaycan Respublika miyono həmkarion təkid kardışon.

İroni iğtisod vəzir, Məsud Kərbasiyan, pencşəmbə deştə ali iğtisodiyə heyəti bə Buko səfərış kardə.