Ərbəin Huseyni(ə)-i əzodorəti mərasimonədə Azərbaycan Respublika mısılmonə milləti hərorətinə huzur.

De Həzrəte İmom Huseyn(ə) aşiğon əzəmətinə huzuri çı Ərbəyin əzodorəti mərasimon Buko məçiton ijən Azərbaycan Respublika co şəhronədə bərpo be.

Bə İrna raporti əsos həminə mərasimon de Əhlibeyt İsmət və Təharət(ə) aşiğon Bukoədə İronıjon Huseyniyə ijən Məşədi Dadaş, Tojə Pir, Bibi Heyət, Haci Sultan Əli, İmom Huseyn(ə)-i məçiton iyən co məzhəbiyə vırəonədə bərpo be.

Co matəmə mərasimon həm Sumğait, Qəncə, Lankon iyən Nəxçivanədə təşkil be.

Qurcıstaniku həm xəbə omə ki çı Aşura məktəb və İmom Huseyn(ə) ğəhrəmanti piyə kəson Qurcıstani muxtəlif məçiton əcumlə Marneoli şəhrədə İmom Huseyn(ə) məçitədə ijən əzodorəti mərasimon çərçivədə ıştə eşğ və iradətışon bə Əhli Beyt İsmət və Təharət(ə) nışoşon do.

Mərasimədə mədahi iyən sinə jəe bə kəno, natiğon Kərbəlo daştədə bıə yolə matəm iyən İmom Huseyn(ə) iyən ə Həzrəti bəfodorə yaron məğam və fəziləti barde sohbətonış ka.

Imruj İrağədə Ərbəin Huseyni matəmə ruj ğeyd bıə.