De DAEŞ-i vasitə islam dini rəhmaniyə sima və obrazi xərob karde çı DAEŞ-i himoyə əkəyon yolə qınohe.

Qeneral mayor Rəmezan Şərif votışe: DAEŞ-i tərəfo islam dini rəhmaniyə obrazi xərob karde çı Ərəbistoni himoyəon sayədə əncom bıdə ki bo Səudionro qıləy yolə qınoh ijən bə islam dini zidd vey dıjdə zərbəe.

Bə İrna raporti əsos, sepah təşkilati sıxənəvot bə islam sərzəminədə İŞİD-i vey hevujə cinoyəton və zılmi miğdor işarə ijən təkidış kardə: DAEŞ-i tərəfiku vey yolə varid bıə zərbə çı islam peyğombəri rəhmaniyə vindemon və obrazi xərob karde ijən islam dini aliyə təlimon əks nışo doe hest be.

Qeneral Şərif çı terroriston himoyə əkəyon məğsədi dınyoədə islam dini məhdud karde zınəş be və votışe: qıləy şərayetədə ki Avropa və Amerkə cıvonə cəmaəton çı islam dini mənəviyət və rəhmaniyəti dumoədə bıən, terroriston iyən bə terrorizmi mudafiə və himoyə əkəyon islam dini hevuj bey vəy qəteşone.

Sepah təşkilati sıxənəvot ıştə suhbəton dəvomədə bə Yəməni məzlumə milləti əleyh Səudi Ərəbistoni bombardımoni ziyod bey ijən Ali-Səudi cinoyətonku tənğidış kardə ijən votışe: Yəmənədə fəğr və bədbəxtə cəmaəti ğətliam karde bə çəy xoto dəvomış heste ki Ərəbistoni həmmə planon məxsusən çandə bə terroristiyə qrupon himoyə dorti karde be foydə be və əmələn məntəğədə məğlub bıə.

Qeneral mayor Şərif, Donald Trampi tərəfo Ğudsi bənə siyonist rejimi paytəxt elan karde çı mısılmonon miyono vəhdəti amil hisobış kardə və votışe: çı Trampi ım ğərol ijən Fələstini bənə əsliyə mıvzo çı umumiyə iştimaəti fik və məsələon əsliyə mərkəz ğərorış do.