De Həzrəte Xanım Fatimə Məsumə(s) bəfot karde sorqardışi bərobər səbəsəlomtəti.
Imruj cumə Rəbiosani manqi 10 nə ruj və de şiəyon 8 nə İmom Həzrəte Rıza(ə) qiramiyə hovə Xanım Fatimə Məsumə(s) bəfot karde sorqardışi bərobəre.
Bə həminə mınosibəti xoto Ğom muğəddəsə şəhrədə ə Həzrəti pokə hərəm zinə şəviku de əzodorə cəmaəti por bıə ijən Əhli Beyt(ə) aşiğon çı şiəyon 7 nə İmomi qiramiyə kinə Həzrəte Xanım Fatimə Məsume(s) matəmədə məxsusə mərasimonədə iştirok kardən.
Cəmaət siyoə boydeğon rost karde kənoədə, məddahi iyən nıtğ karde mərasimonədə huzurışone ijən çandə zair həm İron və muxtəlifə kişvəronku həminə ruji matəmə bərnoməonədə iştirok karde xoto bə Ğom varid bıən.
İroni Rəşt şəhri tolışi rədio koəkəyon tərəfo ım matəmə ruji Xanım Fatimə Məsumə(s) Kərimeye Əhli Beyt(ə) bəfot karde sorqardışi bə şımə səbəsəlomtəti ərz kardəmon.
