Bə İroni əleyh Trampi bəyon bıə iddiyaon mınofiğanə və befoydəy.

İroni xarıci vəzir Trampi bə İroni əleyh bəyon bıə iddiyaon be erj iyən mınofiğanə zınəş be.

Bə İroni xarıci vəzarətxanə mediya mərkəzi raporti əsos İroni xarıci vəzir Muhəmməd Cəvad Zərif qıləy Tvitter mesajədə təsdiğış kardə: qılə holədə qi İron çı Amerkə himoyəon kamilən xıvand bıə Səddam rejimi kimiyaviyə silohon vədə ğıboni bıə Tramp ısət qıləy mınofiğinə be erj iddiyaon vasitə İroni məhkum kardedə əmmo İron hejo har kəsi tərəfiku kimiyaviyə silohon istifodə karde məhkum kardə.

İroni xarıci vəzir votışe: bə İroni zidd Amerkə prezidenti təhdidon təcavozkaranə təhrik əkə hərəkəton əncom doe iyən bə radikaliston mesaj vığande mənodəy.

Donald Tramp tojədən qıləy ifşo bıə plani çərçivədə bə İroni zidd çı ərəbi kişvəron mığiyyəti nışo doe tələb kardə.

Tramp çı Fars diyo həmkari şura ozvonku pidəşe ta de İron rabitəon kamilən ğət bıkon.