De dınyo şiəyon 8 minə imom Həzrəte İmom Rıza(ə)-i mıborəkə milad ruji sorqardışi mınosibəti təbrik.
Imruj Hicri Ğəməri 1439-nə sori Zilğədə manqi 11 bərobər de 2018-nə sori İyulə manqi 25, De dınyo şiəyon 8 minə imom Həzrəte Əli İbn Mosər-Rıza(ə) mıborəkə milad ruji sorqardışi bərobəre.
Dınyo şiəyon 8 minə imom Hicri Ğəməri 148-nə sori Zilğədə manqi 11 Mədinə şəhrədə bə dınyo omən.
Dınyo şiəyon 8 minə imomi fəzilətonku nəğl bıə ki ıştə əsrədə İmom Rıza(ə)ku veyni alim nıbe və Əbasi xəlifə, Məəmun hejo İmomi de muxtəlifə soalon imtivon əki iyən ə yolə İmom həm cəvob ədi ki Həzrəti cəvobon Kərimə Ğıronədə rişəş be.
İroni Xıdotələb və mısılmonə cəmaət, dınyo şiəyon 8 minə İmomi milad rujədə de mığəddəsə vırəon əcumlə İroni şimal-şərğ Məşhəd şəhrədə ə Həzrəti pokə hərəmədə huzuri ım ruji bənə idi ğeyd və şoy-vonəti kardedən.
Şer hande, məddohəti və Həzrəte İmom Rıza(ə)-i şəxsiyəti barədə nıtğ vote ijən şini və şərbət paybaxş karde əcumlə dınyo şiəyon 8 minə imomi milad ruji sorqardışədə bıə İroni mısılmonə cəmaəti bərnoməonin.
Tolışi rədio tərəfiku dınyo şiəyon 8 minə imom Həzrəte İmom Reza(ə) məvlud ruji bə həmmə dınyo mısılmonon təbrik ərz kardedəmon.
