De dınyo şiəyon 8 minnə imom Həzrət İmom Rıza(ə) şəhodəti sorəqardışi mınosibəti təsliyət.
İslomiyə İron Həzrət saminul hucəc Əli ibni Musər Rıza(ə) dınyo şiəyon 8 minnə imomi şəhodətə şəvi matəm və əzodorətiədə be.
İslomiyə İron Həzrət saminul hucəc Əli ibni Musərrıza(ə) dınyo şiəyon 8 minnə imomi şəhodətə şəvi matəm və əzadarətiədə be.
Imruj 4 şanbə hicri ğəməri 1446 nə sori səfərə manqi 30 bərobər de miladi 2024 nə sori sentiyabri 4 dınyo şiəyon 8 minnə imom Həzrət İmom Rıza(ə) şəhodəti sorəqardışe.
Həzrət imom Rıza(ə) hicri ğəməri 148 nə sori Mədinə şəhrədə bə dınyo omə və hicri ğəməri 203 nə sori səfərə manqi oxonə ruji bə şəhodət rəsə.
Həzrət imom Rıza(ə) həyat iyən imoməti devron, cəmaəti bə əhle beyt ismət və təharət(ə) meyl iyən dustiyəti həmməysə barzə səviyədə be və əhle beyte ismət və təharət(ə) ailə erj və ehtırom milləti miyonədə ve inkişofış kardə be.
Cəmaəti bə dınyo şiəyon 8 minnə imomi meyl iyən dustiyəti ve beədə Əbbasi xəlifə Məmun qıləy fitnə qərə hərəkətdə həzrətış zəhrin karde və əvış bə şəhodət rosni.
İslomiyə ironi millət ha sor Həzrət imom Rıza(ə) şəhodəti sorəqardışi şəv iyən rujədə , huseyniyəon, məçiton və ironi şimal şərğ Məşhəd şəhrədə həzrəti pokə hərəm və Ğomı mığəddəsə şəhrədə Həzrət Məsumə(ə) pokə hərəmədə əzodorəti kardən.
İron İslom Respublika telerədyo təşkilat de Həzrət İmom Rıza(ə) şəhodəti sorəqardışi mınosibəti bə həmmə mıslmonon və dınyoədə ozodəti tələb əkon təsliyət votedə.
