Avropa məsləhəton vədə Ğasımi sıxanon.

İroni xarici koon vəzorətxonə sıxanəvot omidvar mande İron və Avropa, atom sazışi həxədə doə bə məsləhəton barədə ve rəv bə nəticə bırəson.

İroni xarici koon vəzorətxonə sıxanəvot Bəhram Ğasımi şanbə ruji de PANA aqentəti votımon atom sazışi həxədə Avropa bə İron doə məsləhəti barədə votışe: həmkarətion de Avropa ğət bə ni əmmo  mumkine bəzi baxşonədə de kamə surəti bərobər bıbo və ya şirkəton tərəfo de amerkaiyə şirkəton əlağon xoto de İron həmkarəti kardeyu bəzi şək-şubhəon təşkil bıbon.

Ğasımi,Avropa tərəfo bə lozim bə siyasiyə iradə atom sazışi dəvom doeyu iyən ım sazışədə ironi huzuri dəvom pəydo karde həxədə işarəş karde və votışe:əvon zındən ki atom sazışi hifz kardeyu bəpe ironi rızayəti cəlb bıkən.İroni xarici koon vəzorətxonə sıxanəvot bə ironi zid tojədən Amerkə sanqsiyaon zəmani nez beədə votışe:Tehron atom sazışiku Amerkə xaric be vədə ıştə siyasəton elan kardeyu iyən tojə  şərayeton əsosədə bərnamon təin kardeyu ki mumkine icod bıbo və Amerkə ehtemaliyə təziğon barədə bə ım məmləkəton de İron əlağon kam kardeyu iyən Amerkə sanqsiyaon ciddi qəte həxədə de həmmə məmləkəton muzakirə dəvoniyə bə.

ironi xarici koon vəzorətxonə sıxanəvot,ərəbıstonədə ironi faydon hifz karde mərkəzi bə rodəğande barədə votışe:8 manq çimi bə nav de İsveçrə bə roziyətion əsosi ım məmləkət ərəbıstonədə bənə ironi faydonku mudafiyə əkə təin be və  ironi 10 nəfərə konsoliyə qrup dəvardə rujonədə konsoliyə koon əncom doeyu bə Həc şin.