Ərəfə ruj,ibodət və qınoon baxşe ruj.

Imruj zilhicə 9,Ərəfə ruj,ibodəti ruj,ruji ki qınoon baxşe və tubə ğəbul karde ruje,ruji ki mutəalə Xıdo xususiyə holətədə ıştə bandəon bəştə tərəf dəvət kardə.

Ərəfə islami yolə idonədəy və ə kəs ki karde bızno bı rujədə ərəfatı səhraədə bıbo,yolə muvəfəğiyətış bə dast vardə.

Ərəfə ruj veyə əməlon və dıvoonış heste və bı rujədə həmməysə çokə əməl dıvoy,Xıdo kə zaironku milyonon nəfər,ərəfə rujədə sıpiyə olət tankardən və ləbəyk vote vote bə ərəfatı səhra şedən.

hocion desbə məğrib ərəfatdə bəmanden və məğribi bəpeştə və Məşərulhəramı tərəf hərəkət bəkan.

Həc mərasim zilhicə 10 nə ruji yəni ğıbunə idə ruji  sıbə nımojiku desbə həşi peme vaxti Məşərulhəramədə vəğf kardeədə dəvom pəydo bəkay.

zairon peso bə Mina sərzəmin bəşen və Rəmyecəməratı bəpeştə ğıbun bəkan və çəy bəpeştə  sə mu toşe ya Həlğ əməli iyən sə mu və nanqıri koto karde ya Təğsir əməli əncom bədon.

təməto həci coqlə vacibə əməlonko zilhicə 11 və 12 minə şəvonədə həşi əşeku  desbə niməşəv Mina sərzəminədə vırə karde iyən zilhicə 11 və 12 minnə rujonədə Rəmyecəmərat ya 3 baxşədə bə şeyton sığ ğandeye. coqlə əməlonkoy ki vəhy sərzəmini zairon bəpe əncom bıdən ta ıştə həci kamil bıkən bə Məkkə oqarde və təvaf əncom doe təvaf nımoji vote,Səfa və Mərvə miyonədə səy, nisa təvaf və nisa təvaf nımoji voteye.