Ğəribabadi:beynəlxalğ atom muəssisə bo 12 minnə kərə atom sazışədə ironi bəştə doə bə vədəon əməl kardeş təsdiğ karde.

Viyana şəhrədə bıə beynəlxalğə təşkilatonədə ironi səfir və daimə nımayəndə Kazım Ğəribabadi zinə votışe:beynəlxalğ atom muəssisə iyandı bə domo bo 12 minnə kərə atom sazışədə ironi bəştə doə vədəon əməl kardeş təsdiğ kardə.

Bə telerədyo aqentəti xəbon əsosi Kazım Ğərib Abadi əlavəş karde ım hozzı kardə məlumatdə əlavə bə ,atom sazışi icra kardə rujiku,beynəlxalğ atom enerji təşkilat atom sazışi mıxtəlif baxşonədə bə ironi doə vədəon nəzorətış kardə və ğıvvəş bə atom sazışi vədə doə bə vədəonku bə xətoə ro eqıne barədə həğiğəti oşko kardeyu imtivon dəvonon.

Ğəribabadi votışe:ım hozzı kardə bə məlumatdə oməy ki beynəlxalğ atom enrji təşkilat bə nəzədə bıə mərkəzon şe və əvoni control kardeyu heç qılə problemış bə ni.

Viyana şəhrədə bıə beynəlxalğə təşkilatonədə ironi səfir və daimə nımayəndə əlavəş karde ım hozzı kardə bə məlumatdə bə ironi  bərnamə,atomi bə nav bardeyu sistemon soxte barədə işarə bə ki İron ım cəhətdə həmmə məlumatonış beynəlxalğə atom enerji muəsisə extiyurədə ğərorış doə.

Beynəlxalğ atom enerji təşkilat 2018 minnə sori iyoni 6 nə ruji bo 11 minnə kərə atom sazışədə ironi bəştə doə vədəon əməl kardeş təsdiğ kardə.

atom sazışədə ironi ıştə doə vədəon əməl karde təsdiğ be 12 minnə devrə ki beynəlxalğ atom enrji təşkilati tərəfo təşkil bə qıləy holədəy ki Amerkə mayə manqi 8 nə ruji atom sazışiku xaric be və çəy bəpeştə elanış karde desbə 2018 minnə sori noyabri 4 minnə ruji ironi nat,qaz və neftkimiya məhsulon ixracati bə sıfr bərosne.

Vaşinqton dınyo məmləkətonku tələbış kardə bə tehroni zid ixtisadiyə sanqsiyaon qıləy hissə nomo,ironiku idxal kardə nat, qaz və neftkimiya məhsulon bə sıfr bırosno.

dınyo xəyli məmləkəton mincumlə Çin,Rusiyə və Tırkiyə de Amerkə prezdenti ğəroli muxalifət kardeədə elanışon kardə,Donald Trampı tələbonku itaət nibəkan.

atom sazışiku Amerkə devləti xaric be daxili və beynəlxalğə səviyədə de yolə məhkumiyəton dim bə dim be.