Ğasımi:İron bənə Suriyə devləti tərəfdor ım məmləkətdə huzurış heste.

İroni xarici koon vəzorətxonə sıxanəvoti votışe:İron İslam Respublika bənə Suriyə devləti tərəfdar ım məmləkətdə huzurış heste və ta bə zəman ki dəməşğı devlət bıpiyoşe məsləhət doə koməkon dəvom bədomon.

İroni xarici koon vəzorətxonə sıxanəvot Bəhram Ğasımi zinə haftədə bıə iclosədə ironi beynəlxalğə kanali jurnalisti sıvoli cəvobədə,Suriyə şimal ğərb Edlebı vəziyət və çı məsələ həxədə tehroni siyasəton iyən ironi xarici koon vəzir Muhəmməd Cəvad Zərif bə Tırkiyə və Suriyə səfəri barədə əlavəş karde edlebı məntəğə bənə terroriston oxonə cəhbə nığılə məsələ be,eyne holədə Suriyə devlət ım faciə oxo doeyu ve ciddiy.

İroni xarici koon vəzorətxonə sıxanəvoti əlavəş karde Suriyə silahlinə ğıvvon,edlebədə bə terroriston mərkəzon hucum ,terroriston tərəfdaronış niqəran kardə və əvon ım məsələ vədə mənfiyə təbliğat və ğalməğalışon təşkil kardə əmmo bəpe nəzədə bıqətəmon ki Suriyə devlət bənə qıləy mıstəğilə devlət ,həxış heste terroriston vədə ıştə məmləkətiku muhafizə bıkə.

Ğasımi ironədə ,sentiyabri 7 nə ruji Suriyə həxədə İron,Rusiyə və Tırkiyə yolon  iclosi barədə işarəş karde və votışe:İron bə ım iclos mısbətə nəzəş heste və bovəş heste votımon Suriyə şərayeti barədə bəzne ım məmləkət  və de terarizm mubarizə bardeyu muvəfəğ və bə kar omə məsələ bıbo.

Ğasımi atom sazışi həxədə  muzakiron və Avropa tərəfo təğdim bə məsləhəton həxədə votışe: İron və Avropa mali, puli və banki mıxtəlif sahonədə  veyə muzakironışon bə əmmo təğdim bə məsləhəton desbə ısət ironış rozi kardə ni və bə nəhaiyə mərhələ rəsə ni.

Ğasımi omidvar mande Avropa bızno mandə fərsətdə çı imtivoniku səbarz xaric be və ironi roziyəti təmin bıkə.

ironi xarici koon vəzorətxonə sıxanəvot iraği siyasiyə vəziyət və tojə kabineti təşkil doeyu ə məmləkətdə mıxtəlif siyasiyə qrupon fəaliyəton həxədə votışe: bəzi  nəzəron bəyon karde ım məsələ həxədə ki İron,iraği tojə siyasiyə tərkibədə nufuzış heste be əsose və  lozim bə cəvobon doə bən.

Ğasımi işarəş karde əviki iraği millət bənə tojə devlət bıvıjnon,ironi nəzədə ehtıromış heste və 2 qılə hamsuyə məmləkəti əlağon bə dustə hamsuyəti iyən İyandı ərazi təmamiyəti hifz karde əsosi dəvom pəydo bəkay.

İroni xarici koon vəzorətxonə sıxanəvot,nezə şərğ və şimal afrika koonədə İnqiltərə xarici koon vəziri muavin Alistair Burt bə Tehron təşkil doə səfəri həxədə votışe: ım səfər adiyə səfəron  dəvomədə bə ki  ım votımonon nakonə devrə londonədə və tojə iclos həm tehronədə və de inqiltərə xarici koon vəziri muavini huzur bərpo be.