İslami inğilabi yolə rəhbər:islamiyə inğilabi həcci siyasiyə mesaji bə islam dınyo bırosnən.

İslami inğilabi yolə rəhbər Həzrət Ayətullah Xamenei zinə zuhrə vaxti Həcc mərasimi məsul şəxson vindımonədə islam dınyoədə bə islamiyə inğilabi həccı siyasiyə mesaji rosneş işarə karde.

Həzrət  Ayətullah Xamenei mutəalə Xıdo əmrış qıləy məxsusə zəman və məkanədə  mıslmonon cəm be həxədə Həcc mərasimi  əncom doeyu siyasi muhimmə mesaj mincumlə   mıslmonon əlağə və həmkarəti iyən islamiyə omməti iğtidar və əzəməti nışon does zınə və əlavəş karde əlavə bə həccı mənəviyə cəhət ki ve muhimme bəpe islami ım həğiğəton və hədəfon həm bə dim bekardə bıbon və  bəvonru həm bərnamə bıbo.

İslami İnğilabi yolə rəhbəri Həcc mərasimədə həmmə islamiyə millətonədə bə əlağə,islamiyə inğilabi mesaji bə zairon rusne və şubhəon arəku barde,de coqlə islamiyə məmləkəton İron İslam Respublika əlağon zumand karde iyən de islamiyə fırğəon bənə bıvə dustə əlağə təşkil kardeş mincumlə Həcc əyamədə islam dınyoro lozim bə siyasiyə mesajış zınə və votışe: Həcc bəpe islamiyə respublikayu bə abru ğəzənc karde bois bıbo, boçimi xoto Həcc siyasiyə  cəhəton bəpe yoddə benışo.

İbrahimiyə Həcc yəni islamiyə inğilabi bəpeştə Həcc bəpe çəyku bə nav təşkil bə Həcc mərasim iyən ə məmləkəton Həcc mərasimonədə ki islami əsosə məsəlon iyən islami inğilabiku heç çi dərəsə nin fərğış bıbo.

Yolə rəhbəri ,komeyd dıvo mərasimi bərpo kardeyu bə Səudiyə ərəbıstoni devləti mane təşkil karde işarəş  karde və ıştə bəyonoton dəvomədə əlavəş karde bəpe de fəaliyət və tədbir ım maneonku dəvardəmon.

Həzrət Ayətullah Xamenei eyne holədə  veyə miğdorədə islamiyə əsəron mincumlə Xıdo rəsul(s) Əmirəlmumenin(ə).Xəlifəon və islami əvvələdə bıə mucahidonku mandə əsəron,Həcc mərasimi  yol karde  bəhonədə de şiddəti tənğidış karde və votışe: qıləy holədə ki mıxtəlif məmləkəton de veyə diğğəti ıştə tarixiyə əsəronku muğət bedən və hətta bəzi vaxton ıştə tarix və dəvardə rujon muhim və zumand nışon doeyu bəzi əsəron pesoxtedən,əmmo desbə ısət  Məkkə və Mədinə şəhronədə xəyli islamiyə əsəron xərob bən.

İslami inğilabi yolə rəhbər İroni Həcc və ziyorət təşkilat və ım koonədə coqlə əlağədə bıə mərkəzonış vəzifədo karde coqlə islamiyə məmləkətonədə de Həcc mərasimi məsul şəxson əlağə qəteədə mandə bə islamiyə əsəron xərob karde vəy bıqəton.