Bəhram Ğasımi:Amerkə vıjnımonədə ironi bə arə dəşe qıləy no məlomə roya(xıyoliku) iborəte.
İroni İslam Respublika xarici koon vəzorətxonə sıxanəvot zinə şanqo Amerkə kanqıresi vıjnımonədə ironi dəxolət və təsir noeyu Vaşinqtonı fəaliyətonış əsosiku na səhihış zınə və votışe: Amerkə vıjnımonədə ironi dəxolət karde curi na məlomə royaku iborəte.
Bə İRNA xəbon əsosi Bəhram Ğasımi miyonə devrədə kanqıresi vıjnımonədə ironi bə arə dəşe həxədə Amerkə devləti kəşfiyat, məhkəmə və əmniyyətiyə orqanon tojə be əsosə iddaonış rəd karde və votışe: İron İslam Respublika əsosə siyasət coqlə məmləkəti daxiliyə koonədə dəxalət nıkardeye.
İroni xarici koon vəzorətxonə sıxanəvoti işarəş karde can vaxt çimi bə nav har qıləy sənədiku bə kəno Amerkə milli əmniyyəti mışovir jıqo qıləy iddaş bəyon karde və əlavəş karde sıpiyə kə can vaxte fəaliyyət kardə ,daxili məxsusə siyasiyə niyyəton əsosədə bə bəzi məmləkəton bıhton bıjəno və ha ruj ım cəhətdə qıləy məmləkəti bəştə pesoxtə bə siyahi əlavə kardə.
Ğasımi votışe: qıləy holədə ki Amerkə prezdent Donald Tramp idda kardə çəy bə prezdentəti rəse vaxtiku İron dıştə daxiliyə məsəlon gale və jıqo zəife ki hətta bə məntəğə məsəlon fik karde zındə ni pəs çıcore ki jıqo qıləy məmləkət ki bə çəvon bovə əsosi ıştə daxiliyə məsəlonədə məşğule ,karde zındəy Amerkə parlamentiyə vıjnımonədə bə arə dəşe.
Amerkə milli kəşfiyat mudiri dəftərxonə,daxiliyə əmniyyət vəzorətxonə,məhkəmə vəzorətxonə iyən Amerkə federal polis cumə ruji qıləy mıştərəkə bəyonotdə har qıləy sənədiku kəno Amerkə kanqıresi miyonə devrə vıjnımonədə təsir noeyu İron,Rusiyə və çinı məmləkətonış məhkum karde.
Təhğiğaton nəticə bimiku hikayət kardə ki respublika tərəfdaron ım vıjnımonədə de qonə məğlubiyət dim bə dim bəben.
xəyli ekspertonku bovəşon heste Vaşinqton,İron,Çin və Rusiyə məhkum kardeədə omə rujonədə kanqıresi vıjnımonədə bə Respublika tərəfdaron sədo doeyu Amerkə cəmaəti fiki əvəz karde niyyətdə hestin.
