İroni Yolə Rəhbər: əqə bıə nıbe hərəmi mudafiyə əkəyon, Ərbəini şemon həm nıbe.

İroni Yolə Rəhbər çand ruj çımiku bənav, İroni şəhidon ailəon xususi hərəmi mudafiə əkəyon şəhidon ailəon vindımonədə votışe: əqə bıə nıbin hərəmi mudafiə əkəyon, ısət Ərbəini şemoniku həm hiç xəbə nıbe.

İroni Yolə Rəhbər ım vindemonədə bə bənə yande bey və şəbahət hərəmi mudafiə əkəyon hərəkət və muğavimət iyən Əbbasi xəlifəon zəmonədə bıə kəsoni ki deştə coni fido karde İmom Huseyn(ə) pokə ğıbi oqətəşon hamiyədən: əqə bə zəmon fidokarti nı eby ımruj həm jıqo İmom Huseyn(ə) əzəmətvə mıhəbbət dınyoədə polon nıbe.

Həzrəte Ayətullah Xamenei bə muxtəlifə kişvəronku cəmaəton huzur iyən Ərbəin Huseyni yolə şimonədə iştirok karde işorə kardışon və əlovəşon karde: ımku  i minə ğədəm və əsliyə hərəkəti həmonə kəsoni noəşone ki ıştə coni bo İmom Huseyn(ə) ğıbi ziyorət karde fido kardəşone və əqə bə nı be çəvon mocahidət deşmən ə Həzrəti ğıbi nezi bə Kərbəlo omə bin.

İroni Yolə Rəhbər təkid kardışone: hərəmi mudafiə əkəyon həm deşmənon şərri islam və mısılmonon səyku rəd kardışone və ım cıvonon yoləku bərəkəton omə zıvon islam dınyoədə moşahidə bəbe.