İroni ğərbi sərhədonku 1 milyon və 500 həzo nəfər Ərbəini zairon bə İrağ varid bıən.

İroni nizomi-intizomi ğıvvon fərmondə qeneral Huseyn Əştəri zinə İroni ğərb Mehran sərhədiyə terminaliku diyə karde bəpeştə, ım marzədə İmom Huseyn(ə) aşiğon izdihominə huzuri barədə votışe: Ərbəini zaironku 65 faiz de Mehran terminali vositə bə İrağ varid bıən.

Qeneral Əştəri əlovəş karde: zairon Şələmçə və Çəzabə terminalonku həm istifodə kardedən və təğribən 3 faiz zair de təyyorə vositə bə İrağ səfər kardəşone.

İraği Bəsrədə həm İroni sərkonsul Əhməd Siyahpoş həm, İrağədə bo zairon şe-ome çokə tədbiron dəvoniyəku xəbəş do.

Əv Şələmçə sərhədiku dıyə karde zəmonədə Ərbəin Huseyni şemoni İrağ və İroni deşmənon planon məhvəkə zınəş be.

Siyahpoş votışe: bo zairon vırə bə vırə karde həm çandə maşinn şələmçəku zairon bə Nəcəf və Kərbəlo bardedən.

Xəbə omə ki detosə bə ısət 50 həzo nəfər Pakistonıjə zair Mircavə sərhədə, bə 10 həzo nəfər nezi İmom Huseyn(ə) zairon Əfğanıston, iyən bə 12 həzo nəfər nezi cənubi Ğəfğaz mısılmonə cəmaəton Ostoro terminaliku bə İron varid və bə Kərbəlo tərəf hərəkət kardəşone ta Ərbəin yolə şemonədə iştirok bıkən.

Oktiyabri 30, bərobər de Səfər manqi 20 şiəyon 3-nə İmom Həzrəte İmom Husseyn(ə) və çəy bəfodorə əshabi şəhodəti Ərbəin ğeyd bıə. 

Har sor çand milyon zair dınyo muxtəlifə kişvəronku ım mənəvi və matəmə əyyomədə Kərbəloədə hozzo peydo karde xoto, Ərbəini şimonədə iştirok kardedən.