De Ərbəine Huseyni(ə) mınosibəti səbəsəloməti.İslamiyə İron matəmədəy.
Dınyo şiəyon 3 minnə imom Həzrət imom Huseyn(ə) və çəy vəfodorə əshabi şəhodəti 40 minnə şəvi,Ərbəine Huseyni(ə) şəvədə islamiyə İron matəm və əzadarətiədə be.
Imruj 3 şanbə hicri ğəməri 1440 nə sori səfərə manqi 20 bərobər de milady 2018 minnə sori oktiyabrə manqi 30,dınyo şiəyon 3 minnə imom Həzrət imom Huseyn(ə) və çəy vəfodorə əshabi şəhodəti Ərbəin Kərbəlo səhraədəy.
milyonon zair dınyo mıxtəlif vıronku mincumlə İron İslam respublikaku bı rujədə Ərbəine Huseyni(ə) mərasimədə iştirak kardeyu bə iraği cənub Kərbəlo şəhr daxil bedən.
Həzrət imom Huseyn(ə) və çəy vəfodorə əshab hicri ğəməri 61 minnə sori məhərrəmə manqi 10 nə ruji kərbəloədə bə şəhodət rəsin.
Həzrət imom Huseyn(ə) Kərbəlo hadisə həxədə Məkkə bə Kərbəlo roədə desbə şəhodəti zəman oşkoə holətədə işarəş karde çı hərəkətiku çıman məğsəd bə islami zid yəzidı hukuməti rısvo karde iyən bə çokə əməlon dəvət karde və bə bevəcə əməlon mane be və zılm iyən sitəmqərəti vədə mande xoto bə və kərimə ğıroniku himoyə karde iyən Həzrət Muhəmməd(s) əslımandə dini bəji oqəteku kəno coqlə məğsədım bə ni.
islamiyə ironi millət zinə şanqo şəhidon salari şəhodəti 40 minnə şəvi mərasimədə bənə Tasua və Aşuraye Huseyni(ə) şəv və ruji huseyniyəon məçiton ,ironi şimal şərğ Məşhəd şəhrədə dınyo şiəyon 8 nə imom Həzrət imom Rıza(ə) pokə hərəm iyən tehroni cənub Ğom mığəddəsə şəhrədə Həzrət Məsumə(s) pokə hərəmədə əzadarətişon karde.
nohə hande ,sinə jəe ,Ərbəine Huseyni(ə) şəv və rujonədə islamiyə ironi dindar və huseyniyə milləti muhimmə bərnamonku be.
İron İslam Respublika telerədyo de Ərbəine Huseyni(ə) mınosibəti bə həmmə mıslmonon məxsusən həmzıvonə tolışon və dınyoədə ozodəti tələb kardəkəson səbəsəloməti dodəm.
