Tehroni cumə nımoji xətib:Tramp dınyoədə bə Amerkə sima nifrət bois bə.

Tehroni cumə nımoji xətibi votışe:Amerkə prezdent Donald Tramp bois bə dınyo çı məmləkətiku nifrətışon bıbo.

Ayətullah Muhəmməd İmami Kaşani tehroni cumə nımoji  xutbəonədə votışe: amerkəədə heç zəman çı məmləkəti prezdenti sima de nifrət dim bə dim bə ni və əlavəş karde Amerkə devlət de veyə fəsoton və xoninə canq iyən sionist rejim və səudiyə ərəbıstoniku himoyə karde xoto dınyoədə həmməysə bevəcə simaş heste.

Tehroni cumə nımoji xətib votışe:dınyo məmləkəton amerkəko fasiləşon qətə və ım nışon dodə ki dınyoədə amerkəku  nifrət ruj bə ruj ve bedə.

Ayətullah İmami Kaşani votışe: Amerkə vədə dınyoədə  ruj bə ruj  bə islamiyə ironi izzət iyən yoliyəti əlavə bedə və dınyo məmləkəton islamiyə nizomi əmin və sadiğ zındən və ım məsələku aqah bən ki Amerkə doə təbliğatonku kəno İron heç vaxti canq və xon əkarde domoədə bə ni.

Tehroni  cumə nımoji xətib eyne holədə yəmənı milləti vədə bə ale səud rejimi cinayəton iyən fələstinı milləti vədə bə sioniston cinayəton işarəş karde və votışe:ale səud və sionist rejimi cinayəton Asiya ğərb məntəğədə Amerkə himoyəonədə əncom bedə.