Admiral Xanzadi: İron Hormuz tanğədə bə dışmenon şəytoni hərəkəton əncom doe icocə nibədoy.
İron İslam Respublika dıyo silahinə ğıvvon fərmondə notaş do: Hormuz tanqə, çı dıyo enerji stratejikə tanqəy və hiç kəs karde nibəzne ım məntəğədə şəytoni hərəkəton bıkə.
Admiral Xanzadi zinə de İrna aqentiyəti sohbətədə izhorış kardə: har ruj 17 milyon barel nat Hormoz tanqiku sadir bbıdə və İron Amerkə sanksiyaon sayədə, Hormoz tanqə əmniyyəti de diğğəti kontorol kardedə.
İron İslam Respublika dıyo silahinə ğıvvon fərmondə votışe: Hormoz tanqə, Farsi və Omman dıyo İroni kontoroli jiədə bıə məntəğəon iyən dınyoədə bıə vey əmniyyətin hisob bıə dıyoonin; detosə ımruj 57 qılə çı İroni hərbi qəmiyon ticari qəmion mışoiyət iyən dıyo kommunikasiyə hifz karde xoto bə Ədən diyo iyən ozodə ovon vığandə bıən.
Admiral Xanzadi bə İroni zumand iyən əzəmətinə huzur ozod ovonədə işarə iyən elanış kardə: ərtışi dıyo ğıvvon ısət havz və saheliyə ovon ğıvvəku bə Okean ovon dıyo ğıvvə əvəz bıə.
İron İslam Respublika dıyo silahinə ğıvvon fərmondə bə ğəmion mışoiyət karde detosə zəmoni ki ehtiyoc bıbu işarə iyən elanış karde: İroni hərbi qəmion Hindustani Okean, Ədən diyo və Babol Məndəb tanqə, Cənubiyə Çin dıyo və Cəbəlutariqi tanqədə de əzəmətinə ğudrət huzurış heste ta İroni nat tankeron və ticariyə qəmion əmniyyəti təmin bikə.
