Pars Today

İroni həmmə ğıvvon yolə komandir, İron İslom Respublika ərtışi dıyo ğıvvə komandiron cəmədə bə nizom və kişvəri iğtidori əlovə bey ijən ictimaədə şo və umo icod beyro, bə tojə zərfiyəton kəşf kardey zərurət təkidış kardə.

Bə İslomi İnğilobi Yolə Rəhbəri məlumatərosnə mərkəzi raporti əsos, və bə İron İslom Respublika ləşkəri ruji mınosibəti xoto, zinə Seşəmbə İslomi İnğilobi yolə Rəhbər Həzrəte Ayətullah Xamenei ərtışi həmmə komandir və kali İron İslom Respublika ərtışi dıyo ğıvvə komandiron cəmədə de işorə bə ərtışi dıyo ğıvvədə veyə zərfiyəton xususi bə dıyo əsos bıə iğtisodi siyosəton icro bey komək kardeyro ım ğıvvə zərfiyət, ijən hamyəşe: bəpe cəhd bıbu ta komil surət, ləşkəri dıyo ğıvvə, qıləy stratejikə ğıvvə bıbu.

İslomi İnğilobi Yolə Rəhbər, Azərə manqi 7 minnə ruj yəni İron İslom Respublika ləşkəri dıyo ğıvvə ruj bənə torixi və yodə bekade nıbıə ruj zınəşe və əlovəş kardə: ım ruj bəpe  bənə ərtışi dıyo ğıvvə fidokərti ruj zıney bıbu.

Həzrəte Ayətullah Xamenei inğilobi əvvəliku tosə ısət, İron İslom Respublika ərtışi dıyo ğıvvə inkişofon vey çəşəçi və bovə nıkardənin zınəşe və hamyəşe: inğilobi əvvəlnə soronədə, sərzəmini ovonku bəpey, ləşkəri dıyo ğıvvə iştirok, təsəvvur kardənin nıbe, əmmo ısət ərtışi dıyo ğıvvə de zumandəti və ğoyməti bə dınyo dıvr 360 dərəcə səfə əncomış dodə və de səbarzəti bə kişvər varid bıeydə.

Ə Həzrət ijən əlovəş kardə: qıləy ruj be ki ləşkəri dıyo ğıvvə, Kaspi dıyoədə iştirok kardeyro ımkonış nıbe, əmmo ısət Kaspi dıyo sahilonədə esmines ya həmonə hərbi kəşti soxtəşe və həmonə vırədə həm bə ov şodoy bəbe.

İslomi İnğilobi Yolə rəhbər ijən de ım ğıvvə zərfiyəton istifodə kardey vositə, de təkid bə ləşkəri dıyo ğıvvə canqi veyə hozzoətion və zumandətion inkişof, ijən hamyəşe: ləşkəri dıyo ğıvvə zərfiyətonku qıləyni ki karde bəzne cıvonon miyonədə umu və şoəti icod bıko, ım ğıvvə fabrikaon və zumandətionku inkişofi rahiyan orduonku vindemoni imkoniro zəminə icod kardeye.

Zinə Seşəmbə, Azərə manqi 7 minnə ruj (Noyabrə manqi 28), "Peykan" nomo rəket vığandə hərbi kəşti koəkəyon ğəhrəmonəti sorəqardış və İron İslom Respublika Ləşkəri dıyo ğıvvə ruj be.