Ruhani:bə Sepah fədakarə kadron hucum barde ironi milləti deşmınon ociz mande nışonəy.
Feb 14, 2019 13:57 Asia/Tehran
İron İslam Respublika prezdent ,ironi cənub şərğ Xaş-Zahedan roədə bə islamiyə inğilabi sepah pasdaranı fədakarə kadron aftobosi vəhşiyə hucumış ,cinayətkarə muzdoron və ironi milləti deşmenon,ciddiyə ocizətikuş zınə.
Zinə şanqo ironi cənub şərğ Sistan və bəloçestan ostani Xaş-Zahedan roədə bə ironi sərhədiyə ğıvvon aftobosi terroristiyə hucum bedə ki ım hucumədə ironi sərhədon mudafiyəkardəkəsonku 27 nəfər şəhid və 13 nəfər həm yarəjə bedən.
Bə prezdenti məlumat ərosnə mərkəzi elanon əsosi ironi prezdent Həsən Ruhani ımruj qıləy mesajədə elanış karde şək ni ki ım notəmiz və be şərmə hərəkəti təşkil kardə kəson ,məmləkəti zumandə əmniyəti və polis ğıvvon fəaliyətonədə ve rəv ıştə cinayəti,nəticə bəinden.
