Zərif: İroni ətomiyə saziş bo Amerkaro vey çokə muğavilə be.

Amerka iyən Cənubi Koriya miyono muzakirəon məğlubiyəti elan bey bəpeştə İroni xarıci vəzir votışe: İroni ətomiyə saziş vey çokə muğavilə be ki Amerka bəy dast peydo kardəş be.

Muhamməd Cəvad Zərif ıştə Tuvitter şəxsi səhifədə ğeydış karde: Tramp bəpe oğo bıbu ki jığonə nımayeşon iyən foto kəşe yaxot bə ikərə siyasəton əvəz karde de ciddi diplomasiya bərobər ni.

İroni xarıci vəzir bə ətomiyə sazışi bə dast ome prossesədə 12 sor bıə fikon iyən çand həzo saət muzakirəon işarəş karde iyən votışe: Tramp hiç vaxt çı İroni ətomiyə sazışi vədə co çokə muğaviləon peydoəkə ni.

Amerka prezident iyən Şimali Koriya lideri miyono 2 minnə muzakirəon muzakirəon məğlubiyəti bəpeştə Sepiyə Kə rəsmən elanış karde ki ım muzakirədə hiç sazışi bə dast omə ni.

Amerkə dıvlət bo ım məğlubiyəti tovcih kardeyro elanış karde ki Tramp hiç faxt bənə de İron bə sulh rəse bevəcə muğaviləon imzo nibəkay.