Əmirəbdullahiyan:Amerkə bə İroni zid beynəlxalğə icma təşkil doeku ociz mande.

Beynəlxalğə koonədə İroni islamiyə şura məclisi rəisi məxsusə mışovir votışe: Amerkəvıjon Ommanı dıyoədə tankeronru tojə təşkil bə hadison bəpeştə,bə İron İslam Respublika zid beynəlxalğə icma icod karde domoədə bin əmmo muvəfəğ nıbin.

Huseyn Əmir Əbdullahiyan zinə şanqo de İroni telerədyo 1 minnə kanali təşkil doə votımonədə məntəğə ısətnə vəziyyətış Amerkə prezdent və Asiya ğərb hissədə çəy bəzi şərikon hərəkəton nəticədəş zınə və əlavəş karde Ommanı dıyoədə tankeronro tojə hadison,nati ixracat kardeyu məntəğə şərayetış no əmn kardə əmmo məlume çı kəs ım hadisonku istifadə kardə.

İroni məclisi rəisi məxsusə mışoviri votışe: Tramp pidəşe bə İroni zid sank siyaonku ,vıjnımonədə bə səbarzəti rəseyu istifadə bıkə və əlavəş karde Amerkə prezdent bə İroni zid canq təşkil karde ğıvvəş ni və canqi domoədə həm ni və fəğət pidəşe təhdid kardeədə İroni bə muzakirə tərəf dəkırno.