Zərif:de Tramp vindımon karde məsləhətım ğəbul nıkarde və de sanksiya dim bə dim bim.

İroni xarici koon vəzir dəvardə manqi bəştə bə Niyu-York şə səfəri həxədə işarəş karde və votışe:ım səfərədə bəmı votışone ki 2 haftə mıddətdə de sanksiya dim bə dim bəbeş əqər de Amerkə prezdenti vindımon karde məsləhəti ğəbul nıkoş.

Muhəmməd Cəvad Zərif zinə qıləy xəbəriyə iclosədə votışe:Amerkəvıjon ozodə bəyoni iddio kənoədə bəy bovəşon ni və əlavəş karde muzakirə və diplamatikə fəaliyyəton heç vaxti bə oxo nibərəsn və bəştə fəaliyyəton dəvom bədomon.

Zərif eyne holədə votışe: sultə iyən zuə sıxanon devran orəxəy və əlavəş karde Amerkə hətta ə baxşonədə ki cokəsonru yolə ğıvvə rolış heste koalisiya icod kardeyu ociz mandə.

məmləkəton xəcolət kəşedən ki çəvon nom Amerkə kənoədə bıə siyahiədə ğərorış qətə.

İroni xarici koon vəzir eyne holədə votışe: Amerkə be qınoə millət qullə ğande,ğuldorəti,zu vote və xışmqinəti mədəniyyətdə qiriftar bən və votışe: ə mədəniyyət ki canqiku bənə qıləy ro qəp jedə muvəffəğ ni və Amerkə əqər ğanun darışteku dast bıkəşo çəy həmmə problemon həl bəben.

Zərif eyne holədə atom sazışiku bə Amerkə xaric be və təəhhudon icra kardeyu bə Avropavıjon bəd əhdi işarəş karde və votışe:atom sazışi çərçivədə 3 minnə qəmi həm pebəqətemon və ım hərəkət atom sazışiku xaric be mənoədə ni.

İroni dimpamatiya təşkilati rəis bə məntəğə vəziyyəti həm işarəş karde və Fars dıyo həmkarətiyə şura inkişaf doe zərurətiku qəpış jə iyən İron,İrağ və ım şura 3 qılə uzvi miyonədə votımon,məntəğəeiyə votımon ittifağ və bə  iyandı təcavuz nıkarde  muğavilə imza kardeş zəruri zınə.

Zərif votımonış bə Ərəbıston,İ bə ərəbon əmirətion və məntəğə həmmə məmləkəton nəfış zınə və bə votımonon təşkil be zərurəti işarəş karde

İroni xarici koon vəzir eyni holədə bə Yəmənı bıhron işarəş karde və votışe:Yəmənı problemon həl karde ro votımon və muzakirəy.

Zərif Əfğanistanı sulh muzakiron barədə həm votışe: ha ko bəpe Əfğanistanı devləti huzurədə bıbo və İron ə roonədə ki xaricionku bə Əfğanistanı qi noə bıbo muxalife.