Ətomiyə muğavilə barədə İron və Avropa muzakirəon bə nəticə rəsə ni.

İroni xarıci vəzarətxonə sıxənəvot jurnaliston cəmədə elanış karde ki bə Avropa doə 60 rujə mıhləti bə oxo rəse bəpeştə İron ıştə 3 minə ğədəmi pebəqəte ki bə ım zəmon kam mandəy.

Seyad Əbbas Mosəvi ımruj ijən bə İroni nat kırnə tankeri ozodəti işorəş karde və votışe: ım məsələ bə inqiltərə be ğanunə natə tankeri ki İroni ovonədə mısodirə bıə dəxlış ni boçi ki ım mıvzo de İroni məhkəmə təşkilati ğərol bəpe həl bıbu.

İroni xarıci vəzarətxonə sıxənəvot bə İron, Yəməni Ənsarullah və Avropa miyono 3 tərəfə tojə iclosi işorəş karde və təkid kardışe: Tehronədə çok, oşko, foydətin və təsirinə muzakirəon əncom bıə və əmə jıqo dərəsdəmon ki təcavuzkaron qədə qədə bə Yəmənədə siyasiroyku istifodə karde oğo bəben.

Mosəvi bə Bəhreyni oxonə vəziyət işorəş karde və votışe: İron hiç faxt ım kişvəri daxıli koonədə mıdoxilə əkə nıbe əmmo çəmə niqəranion bəpe de muzakirə və siyasi roon həl bıbu.

İroni xarıci vəzarətxonə sıxənəvot Əfğanıstani bıhrani barədə həm təkidış karde ki de həmmə siyasi qrupon iştirok və de Əfğanıstani dıvləti nəzorət iyən ğanuni bəpe Əfğanıstani bıhran həl bıbu ki İron ım prossesi himoyə əkəy.

Əv iddeaon əks elanış karde ki xarıci kişvəron məntəğə əmniyyəti pidəşon ni və İron həm Əfğanıstani barədə de Amerkə muzakirə və sohbətəkəy ni.