Banqladeşədə İroni xarıci vəziri muzakirəon.

İroni xarıci vəzir ımruj Dakaədə de Banqeladeşi i minə vəzir Şeyx Həsinə Vaced iyən xarıci vəzir Əbul Ğasım Əbdul Mumen vindımonış karde.

Bə İrib raporti əsos, Muhəmməd Cəvad Zərif ki Dakaədə bıə Hindıstan Okyan kişvəron iclosədə iştirok karde xoto bə Banqeladış səfər kardəşe ım vindemonədə iğtisadi, mədəni, təhğiğ və təlim, məntəğə məsələon iyən beynəl xalğ mıvzoon barədə suhbətışon karde.

Muzakirəonədə bə enerji əloğəon iyən Ruhinqiya mısılmonon vəziyət həm işorə bıə.

İroni xarıci vəzir de Banqeladışi xarıci vəzir mıştərik xəbə iclosədə həm bə Amerkə anti İron tojə sanksiyaon işorəş karde və votışe: anti İron sanksiyaon çı Amerkə iğtisodi ğudrəti həm kaməkəy və jıqonə təhrimon İronədə hiç təsirış ni.

Əv işorəş karde ki fəğət de sanksiyaon ləğv bey iyən bə ətomiyə muğavilə oqarde vasitə ijən de Amerkə muzakirə karde bəbe.

Zərif zinə şəv həm Daka airportədə İroni ehdəmonon kam bey 3 minə ğədəmi barədə bə Avropa xətob votışe ki əqə detosə pencşambə İroni mənafe oqəte xoto lazimə həmohənqi və koon əncom nıbun İron ıştə ım mərhələ siyasəton icra bəkay.

Əv təkidış karde ki ım ğədəmi icra karde məno ətomiyə muğaviləku xaric bey məno ni və har zəmon ki əvon bəştə ehdəmonon əməl bekon İron həm bə saziş obqarde.

İroni xarıci vəzir Rusiyə ədə bə Raşatodi kanali həm votış be: Avropa tərəfo ətomiyə sazışi oqəte siyasəton əmələdə moşahidə bə ni və əvon bəpe oğo bıbun ki Amerkə yolə şəxətion hiç faxt ım muğavilə ləğv karde bois ni bəbe; Zərif ım mısohibə ədə Amerkə dolari bənə siloh zınəş be ki Amerkə bə co kişvəron huccum karde xoto çəyku istifodə kardedə.