Ruhani:ironi 3 minnə qəm cumə ruji icra bəbe.

İron İslam Respublika prezdent ironi atom sazışi təəhhodon kam kardeyu 3 minnə qəmi peqəteyu cumə 2019 minnə sori sentiyabri 6 nə rujiyu əmrış do.

Həsən Ruhani zinə şanqo İroni 3 qılə ğıvvə yolon iclosi oxoyədə elanış karde İron atom sazışi təəhhodon kam kardeyu 3 minnə qəmi cumə ruji pebəqəte və bə çəy əsosi atom enerji təşkilat bəpe har çi ki İron atom texnoloqiya inkişafədə bəy ehtiyociş heste əncom bıdə.

İron İslam Respublika prezdenti votışe:İroni atom enerji təşkilat,təhğiğ və inkişafi həxədə atom sazışi həmmə  vədəon bə kəno bınə və cur bə curə tojə santırifiyoqon təhğiğ və inkişafi və har çi kiorani qəncin kardeyu bəy ehtiyoci heste de veyə surəti əncom bıdə.

İron İslam Respublika prezdenti votışe:atom sazışədə həmmə təin bə zəmanon,təhğiğ və inkişafiyu kamilə sorətədə peqətə bəbe və har çi ki İron texnoloqiya və inkişafi cəhətdə atom texnoloqiya cəhətdə ehtiyociş heste,de beynəlxalğ atom enrji təşkilati nəzorəti,sulhinə hərəkəti roədə əncom bədoy.

Prezdent Ruhani votışe:İroni fəaliyyəton beynəlxalğ atom enerji təşkilati ğanonon əsosədə bəbe və qıləy 60 rujə vaxt avropavıjon vədəy və har zəman bəştə vədəon əməlışon karde ,İron həm bəştə atominə təəhhodon obəqardə.

Prezdent Ruhani bə atom muzakiron bəhs həm işarəş karde və ıştə qəpon dəvomədə votışe:Amerkəvıjon dəvardə 16 manqiku 3 qılə hədəfi domoədən ki çəvon muhim və əvvəliyə hədəf nizomi əvəz karde və çəvon coqlə hədəf həm ıme  ki əqər nıznon bə 1 minnə hədəf rəse İron İslam Respublika nizomi zəif bıkən.

İron İslam Respublika prezdenti əlavəş karde Amerkəvıjon 3 minnə hədəf həm ım bə ki ıştə dıl piyə muzakirə bə İroni qi bınən,muzakirəi ki bə İroni zid ciddiyə sank siyaonədə həmro bıbo ta dı tərtibi çəvon çunə je ğıvvə ve bıbo.