İronədə bıə həmməy dinon tərəfdaron həx və huğuğ bərobəre.

İroni İslamiyə məclısi sədr votışe: bə İroni İslamiyə İnğilabi konistitusiya əsos, bo mıxtəlifə dinon tərəfdaronro bərobər həxon heste.

İroni İslamiyə məclısi sədr, Əli Laricani Yanvari 4-ədə, İroni islamiyə məclısədə bıə Xrıstiyan, Aşuri və Ermənion nımoyəndəon cəmədə ijən bə miladi tojə sori dəme mınosibəti xoto, bə İronədə bıə mıxtəlifə dinon tərəfdaron mıyono çok və dustanə jimoni işorəş kardə iyən votışe: İroni İslamiyə İnğilabi konistitusiyaədə, həmməy din-məzhəbon tərəfdaron bərobər həxon-huğuğışon heste.

Laricani tojə miladi sori dəme mınosibəti təbrik vote bə peştə təkid kardə: Həzrət Məsih(ə) bənə co İlahi Ənbiyaon, çı dustiyəti iyən sulhi pəyğombər be ijən lazime ki çə Həzrəti metod bənə ədaləti bərbo karde, məhəbbət və səodətinə jimon odəmon miyono cari bıbu.

İroni islamiyə məclısədə bıə Xrıstiyan, Aşuri və Ermənion nımoyəndəon, Jerjik Abramiyan, Yunaten Betkoliya və Karen Xanləri həm ım mıloğotədə iyən məntəğə jıqonə vəziyətədə, çı İroni iştiməiyyəti dılədə bə vəhdət və ibemoni təkidışon karde.