Pars Today

İslami inğilabi yolə rəhbəri intixabatdə huzurış qıləy şəri,milli və inğilabiyə vəzifə iyən milləti mədəniyə həxış zınə və bə əzəmətinə huzur iyən çokə intixabati 2 qılə muhimmə məsələ işarə kardeədə votışe:intixabat ya səçın qıləy umumiyə cihad iyən ilahiyə nemət və imtıvone ki əqər cəmaəti veyə huzurədə bərobər bıbo bə islamiyə nizomi abro iyən məmləkəti zumandəti , və bə fitnəqərə hərəkəton nav qəte bois bəbe və qıləy zumandə İroni nav şərayeti həm icod bəkay.

İslami inğilabi yolə rəhbəri intixabatdə huzurış qıləy şəri,milli və inğilabiyə vəzifə iyən milləti mədəniyə həxış zınə və bə əzəmətinə huzur iyən çokə intixabati 2 qılə muhimmə  məsələ işarə kardeədə votışe:intixabat ya səçın qıləy umumiyə cihad iyən ilahiyə nemət və imtıvone ki əqər cəmaəti veyə huzurədə bərobər bıbo bə islamiyə nizomi abro iyən məmləkəti zumandəti   , və bə fitnəqərə hərəkəton nav qəte bois bəbe və qıləy zumandə İroni nav şərayeti həm icod bəkay.

İslamiyə inğilabi yolə rəhbəri Həzrət Ayətullah Xamenei zinə şərği Azərbaycan ostani şəhrvandon çandə həzo nəfəri vindımonədə işarəş karde duston və deşmenon çəş bə fevrali 21 minnə ruji intixabate və əlavəş karde deşmenon məyus be yeqanə ro İroni zumand beye və zumandə İroni nımonəonku qıleni məclise,məclisi ki bızno lozim bə ğanonon təsdiğ kardeədə və devləton çokə roədə hidayət kardeədə məmləkətiku muğət bıbo.

İslami inğilabi yolə rəhbəri  məntəğə qıləy inadəkə məmləkəti tərəfo xəyli natə dollari bə İnqiltərə qıləy forsiyə mediya doeku işarəş karde ki intixabatdə inğilabiyə odəmonku İroni milləti doyəru kardeyu nəzədə qətə bə və əlavəş karde ım məlumaton nışon dodən intixabati keyfiyət və çı curə bərpo be çəxtə əhəmmiyyətış heste.

Həzrət Ayətullah Xamenei İron və intixabati həxədə bə Amerkə rəsmi şəxson tojə yavə sıxanon həxədə votışe:Amerkə pidəş be ,qeneral Suleymani terror kardeədə ki məntəğədə ve  təsirış hest bı,məntəğə bəştə çanq bıqəto əmmo macəra bərəks bı və Bəğdaddə bə Amerkə zid yolə aksiya ,Suriyə məsələ iyən Hələb və məntəğə coqlə məsəlon dəğiğ bə çəvon tələbon zid be.

Həzrət Ayətullah Xamenei işarəş karde ki deşmen ne fəğət qeneral Suleymani terror karde macəraədə bəlkə qıləy 40 sorə canqədə daimən ironi millətiku zərbəş vində və məğlub bə və əlavəş karde Amerkəvıjon ım 40 sorədə ıştə həmmə siyasi,hərbi, əmniyəti,ixtisadi,mədəni və mediyaiyə silahonku istifadəş kardə və islamiyə nizomi arəku bardeyu ha ko ki çəy dastiku bemə əncomış doə əmmo İslamiyə nizom ne ım ki arəku şə ni bəlkə həzo bərobər zumand bə və çəy vədə Amerkə nakonəsə zəif bə.

İslami inğilabi yolə rəhbəri ruj bə ruj Amerkə zəif be həxədə  çəy ısətnə zahirış dərostə bə zahirış zınə və əlavəş karde ımruj Amerkə de 22 həzo milyard dollar ğarz,dınyoədə həmməysə yolə ğarzış heste və ım məmləkətdə cəmaəti  jimonədə ixtilaf və fasilə dəhşətine və nakonəsə veye.

Həzrət Ayətullah Xamenei,Amerkədə bə şəhrvandon jimoni fasilə,fəğırəti iyən cinayəton həxədə bə dəhşətinə məlumaton və həğiğətə fakton ki bə Amerkə con eqıniyəy işarəş karde və votışe:jəqo ki Taytanikı kəşti əzəmət və yoliyəti bə çəy peqarde mane nıbı,Amerkə zaheriyə dəroste və əçəy əzəmət bə çəy təse mane əbı ni və Amerkə bətəsəy.