De Ayətullah Haşemi Rəfsəncani bə rəhmət şe mınosibəti İron İslam Respublika devlət heyəti səbəsəlomətə elaniyə.
Devlət heyət ironi nizomi məsləhəti təin əkə şura rəis Ayətullah Haşeme Rəfsəncani bə rəhmət şe mınosibəti qıləy elaniyəş do.
Bə telerədyo aqentəti xəbon əsosi Ayətullah Haşımi Rəfsəncani bə rəhmət şe mınosibəti İron İslam Respublika devlət heyəti səbəsəlomətə elaniyə jıqo bino bedə
Bismillihi rəhmane rəhim
İnna lillah və inna iləyhi racion
Mucahidə alim oməqınə inğilabiyə şəxsiyyət mərhum həzrət imom Xomeyni ğədimiyə dust ki ıştə bərəkətinə umrış islamiyə inğilabi təşkil karde iyən islamiyə respublika hukuməti bərpo karde və məmləkəti idarə karde iyən mığəddəsə mudafiyə devranədə yolə məsuliyyətonış hest bı bə rəhmət şe.
ə səfər kardə dusti nom yod iyən təlimon həmmişə İron iyən islamiyə inğilabi piyədə vavriski bədoy və bə islamiyə inğilabi vəfodoron olqo bəbe.
İron İslam Respublika devlət heyət ım yolə mısibəti bə həzrət Bəğiyyətullah(ə) yolə rəhbəri həzrət ayətullah Əl-uzma Xamenei alimony iyən mərcəe təğlidon çəy əzizə ailə iyən ironi şərafətinə milləti səbəsəloməti dodə və imom iyən rəhbəri ım ğədimiyə dusti ehtıromi xoto 3 ruj umumiyə matəm elan kardəvə hicri şəmsi 1395 nə sori dey manqi 21 nə ruji umumiyə tətilə ruj elan kardə.
və ironi ğədr bızınə millətiku dəvət kardə ta çəy əzəmətin iyən tarixiyə təşicənazə mərasimədə iştirak bıkən.
