İroni cənubədə Zulfəğar hərbi manevr bino bıə.
İroni ərtış ğıvvon Zulfəğar-99 nomo hərbi manevri əsliyə mərhələ İroni cənubədə de Mudafiə iğtidor sayədə zumandə iğtidor şuari bino bıə.
Bə İrib raporti əsos, manevri həminə mərhələdə İroni ərtış ğıvvon zəmini, həvo və dıyo ğıvvon İroni cənubədə bıə Hormuz tanqə, Məkran sahil, Omman dıyo iyən Hind okiyan məntəğonədə 3 ruj ıştə ğudrət və hozzıəti nişo dodən.
Manevi fərmondə qenerel admiral Həbibullah Səyyari bə taktika, informasiya, zıne iyən ğudrəti nımoyeş doe çərçivədə bıə ım manevri əncom bey işarəş karde və votışe: çandə hərbi təchizaton, qəmiyon, Fateh nomo bıə dıyo jiədə bıə qəmi iyən Simorğ bepilotə təyyorəon ım manevrədə işterakışon karde.
Səyyari bə məntəğə iyən beynəlxalğ ovonədə İroni əmniyəti təmin karde çərçivədə həminə manevri əhəmmiyəti işarəş karde və votışe: məntəğə əmniyət bəpe de reqional həmkarion iyən xarıcion məntəğə tərk karde vositə əncom bıbu, jəğo ki İron de diğğət bəştə bumi zərfiyəton tosəbə ısət bəy təkidış karde.
