Əmirəbdullahiyan bə İron və Fars dıyo cənubiyə kişvəron rabitəon hevujəti təkidış kardə
İroni xarıci vəzir de bə İron və Fars dıyo cənubiyə kişvəron rabitəon hevujəti əhəmiyyət təkid kardey bəpeşt votışe: məntəğədə bəpe harcurnə ixtilof iyən dave diplomatiya konstruktiv votımoni royku həl bıbub.
Bə İrna raport əsos, İ Bıə Milləton Təşkiloti umumiyə iclosi kənoədə İroni xarıci vəzir Huseyn Əmirəbdullahiyan de Fars dıyo həmkoətii şura sərkatib Casem Əlbədivi vindemonədə, Fars dıyo ətrof bıə kişvəron həmkoəti və votımoni icma icod kardeyro de işorə bə Tehroni təklif, əlovəş kardə: ımru məntəğə rəhbəron, votımoniku sə bə həmkoəti meylışon heste, bə çəy xoto İroni təklifiku vey himoyə bıə.
Əmirəbdullahiyan ijən təkidış kardə:məntəğədə bəpe harcurnə ixtilof iyən dave diplomatiya konstruktiv votımoni royku həl bıbub.
Fars dıyo həmkoəti şura sərkatib həm İron və Fars dıyo həmkoəti şura uzv bıə kişvəron miyono rabitəon inkişofik himoyəş kardə və votışe: Fars dıyo vey muhimmə məntəğəy və de xuşbəxtiyəti nuyə şəroyetədə məntəğə kişvəron miyono har çəxtə veyə həmkoətionro zəminə mevcude.
Casem Əlbədivi ijən bəyonış kardə: məntəğədə dave bə həmmə kişvəron zərəle, əv ijən məntəğədə həmkoətion səthi inkişşofiro İroni cəhdonku ğədrdonətiş kardə. əv ijən əlovəş kardə: lozime ki mıştərəkə həmkoətion zumand kardey royədə təşəbbuson bəyon kardey iyən votımonon əlovə kardeyro cəhd bıbu.
