1 minə hıriyə bıə Airbus mısofiriyə təyyarə bə İron varid be.

1 minə hıriyə bıə Airbus mısofiriyə təyyarə, İroni Mehrabad nomo beynəlxağiyə aeroportədə bə zəmin neştə.

Bə İRİB raporti əsos, İranaer(Homa) kompaniya yol votışe: A321 nomo mısofiriyə təyyarə ki Yanvari 11-ədə Fransəku bə mə təhvil doə be, 1 ruj bə peştə bə İron omə ta İroni nəğliyat sahədə ıştə koş bıno bıkə.

İranaer(Homa) kompaniya yol, Fərhad Pərvəreş votışe: ım təyyarədə 195 nəfər neşte bəznen və çəmə ğəsd ıme ki çəyku daxıli səfəronədə ıstifodə bıkəmon.

Əv təkid kardə ki, detosə omə manqon həm çand qılə co tojə təyyarəon bə ironi nəğliyat hissə izofə bəbe.

Çı Airbus kompaniya yol həm ki Fransəku de həminə təyyarə bə İron omə be elan kardə: ısət İron və Airbus-i miyono həmkarion rəsmi forma bino be.

İşorə lazime ki, İron və 5+1 qrupi miyono ətomi təvafoği bə peştə, çı ğərbi kişvəron qıləy əhd-pəymonon ım be ki bə İron təyyarə hıriye icozə bıdən.

Dəvardə sori və İron iyən Fransə prezidenton mıloğotonədə, jıqo təvafoğ be ki, Fransə bə İron 100 qılə mısofiriyə təyyarə behəvati.