Ətomiyə muğavilə barədə, İron de Amerika ğəyri ğanuniyə hərəkəton mubarizə bəkay.

İroni prezident təkidış kardə: ətomiyə muğavilə icra karde prosesədə İron de Amerika ğəyri ğanuniyə hərəkəton iyən əhd arışte rəftoron muğabilə bəkay.

Bə İrib raporti əsos, İroni prezident, Həsən Ruhani, Yanvari 17-ədə ijən ətomiyə təvafoği sorqardışədə bə Amerika bəd əhdion həminə təvafoği icra karde cərəyanədə işarəş kardə ijən votlşe: İroni millət və devlət, de zu jıqunə bəd əhdion vədə bəmande iyən ıştə milli mənafeku ğafil ni.

Ruhani bə ətomiyə mızakironədə ijən 5+1 qrupi vədə İroni mıvəffəğiyəton işarəş kardə ijən votışe: ətomiyə təvafoğ, bo İroni şəhidon və İroni millətoro qıləy yolə mıvəffəğiyət heste.

Ruhani bə ım nuktə təkid kardə ki İron hiç faxt bə ətomiyə bombaon soxte dumu nıbe və ni təkid kardə: bə İroni ətomiyə bərna zidd həmməy ittihamon du be ijən ışət ətomiyə təvafoğ çəmə sıxənon həxi sabit kardə.

Əv çı Əmniyət Şura Ğətnaməon jentoniku, bə ironi xaric bey işarəş kardə və təsdiğ kardə ki, urani qəncin karde, çı İroni milləti həxe və ısət İ Bıə Kişvəron Təşkilat və Ətom Enerji Beynəlxalğ Təşkilat həm İroni ətomiyə bərnamon rəsmi ğəbul kardəşone.

İroni prezident təkid kardə ki, ətomiyə təvafoği bə peştə, bə İroni zidd həmməy ətomiyə təhrimon peğətə bən.

Ruhani İronış dınyo və məntəğə mıvzoon barədə qıləy təsir bınə kişvər hisobış kardə və votışe: dınyo məsələon barədə İron bənə yolə rol ifa əkə kişvəre ki çəy ğəybət bənnə hevujə zərər və ziyone.

İroni prezident eyne holədə,İronofobiya siyasətonış nosəhih zınəş be ijən əlovəş kardə: İron məntəğə və dınyoədə sulh və əmniyəti pidəşe.