Plasko savdıyə mərkəz kə rıjiye xoto ironədə umumiyə matəm elan bə.
Tehronədə Plasko savdıyə mərkəz kə rıjiyr nəticədə və otəş okıştə məmoronku çandə nəfəri bə rəhmət şe xoto ironi devlət heyət ımrujış umumiyə matəm ruj elanış kardə.
İroni devlət heyəti elanədə jıqo nıvıştə bə tehroni mərkəzədə Plasko nomo bıə savdıyə mərkəz kə otəş qəte və rıjiye xoto ki bə otəş okıştə ğəhrəmanə məmuron çandə nəfəri rəhmət şe iyən yarəjə be bois bə bə təəssuf iyən veyə norohəti bois bə.
həminə nıvıştəyon dəvomədə jıqo əlavə bə ım norohət bıkə iyən təəssufinə hadisə nəticədə nıtarsə otəş okıştə məmuron fədakarətiku qıləy nımonə hərəkət ironi millət iyən dınyo çəşi vədə nışon doə be.
İron İslam Respublika devlət heyət otəş okıştə məmuron ğəhrəmanəti iyən fədakarətiku təşəkkurış kardə və ım hadisədə yarəjəonru səloməti və bə hadisə mandəkəsonru səbəsəlomətiş do.
həmçinin ironi islamiyə şura məclisi rəis Əli Laricani həm cumə ruji Plasko savdıyə mərkəz kə rıjiye xoto qıləy mesajədə bə rəhmət şə kəson ailəon səbəsəlomətiş do və votışe:otəş okıştə məmuron nıtarsəti iyən fədakarəti imdod və nicat əməliyatədə ha insoni dıli bə təşəkkur və tərifi tərəf bardedə.
ironi məclisi rəis ıştə mesajədə əlavəş kardə ironi milləti nıtarsə fərzəndon ım ğəhrəmanə hərəkətəndə bə otəşi canq şin və yəğin ki çəvon nom və yod tarixədə əbədi bəbe.
