İslami inğilabi yolə rəhbər:Ukrayna bıhroni rişə Amerkə mafiyaiyə rejimi bıhron icod bıkə siyasəte.
İslami inğilabi yolə rəhbəri votışe: ımruj modernə caheliyyət(nodonəti) oşkoə simvol Amerkə mafiyaiyə rejime ki əsosən qıləy bıhron təşkil bıkə rejim və bıhronədə jiyə rejime.
İslami inğilabi yolə rəhbəri votışe: ımruj modernə caheliyyət(nodonəti) oşkoə simvol Amerkə mafiyaiyə rejime ki əsosən qıləy bıhron təşkil bıkə rejim və bıhronədə jiyə rejime.
Həzrət Ayətullah Xamenei ımruj 3 şanbə de məbəsı mubarəkə idi mınosibəti ehandımonədə ımrujnə dınyoədə modernə caheliyyəti oşko iyən komilə nımonəş Amerkə rejimış zınə və bə ım məsələ işarə kardeədə ki bıhron icod karde Amerkə əsosə xosiyətonkuy əlovəş karde Amerkə rejim bıhron icod bıkə və bıhronədə jimon bıkə rejime və əsosən qıləy mafiyaiyə rejime ki çəy dılədə siyasi, ixtisadi və silah əsoxtə mafiyaiyə qrupon dınyoədə bıhroni inkişaf doeədə bəromə bə dast vardən.
Yolə rəhbəri və Amerkə siyasəton kontrol iyən hidayət kardeyu bə mafiyaiyə təşkilaton rol işarəş karde və votışe:ım mafiyaon ki hətta Amerkə prezdenti bə ko ome iyən beğande çəvon dastədəy ıştəni hifz kardeyu dınyo mıxtəlif vıronədə bıhron xəlğ kardən.
İslami inğilabi yolə rəhbəri dəvardə soronədə icod kardə bıhronon min cumlə İŞİD icod kardeş Amerkə mafiyaiyə rejimi bıhron xəlğ kardeş zınə və əlovəş kardeçəvon dastədə umutə sıpə(İŞİD) ki ıştən həm bəy etirafışon kardə be qınoə insonon qi oşkoə sorətədə bırnedə bin və bəji bəji sutedə bin və ya ovi dılədə tosnedə bin ki Amerkə silah soxtə mərkəzon çı bıhronoku maksimomə bəhrəon bıbən.
Həzrət Ayətullah Xamenei Ukrayna bıhronış Amerkə siyasəton nəticəş zınə və votışe: ımruj Ukrayna Amerkə bıhron icod bıkə siyasəti vədə ğıbun bə çunki Amerkə bə ki Ukrayna daxiliyə məsəlonədə mudaxilə kardeədə , cəmaəti qırdə kardeədə iyən məxməlin və ranqinə inğilabonədə, Amerkə senatoron huzur muxalifon cəmədə iyən devləton vırə bə vırə kardeədə ım məmləkətış bə ım nuğtə rosnişe.
Yolə rəhbəri de canq muxalifət kardeyu bə İron İslam Respublika əvəz nıbə siyasəti işarəş karde və votışe: İron de canq, odəmon kışte iyən dınyo ha vırədə milləton əsosə ehtiyoc bə mərkəzon xərob kardeədə muxalife.
Həzrət Ayətullah Xamenei bə Amerkə bıhron icod karde qıləy nımonə işarəş karde və votışe:Amerkə Suriyə şərğədə çiç kardə boçi Suriyə nati dızdedə boçi Əfğanistanədə milləti, milliyə sərvəti dızdedə və ğəsb kardə.
Boçi Asiya ğərbədə sioniston 24 saatə cinayətonku mudafiə kardə və ım bıhron təşkil kardə hərəkəton həmə qılə insonə həxonku mudafiə karde unvanədə əncom dodə.
Yolə rəhbəri bə Yəmənı milləti zid cinayətış ğərb və Amerkə ziddə rəftoronku coqlə nımonəş zınə və votışe: 8 sore ki Yəmənı millət bombardımoni jiyədəy əmmo ğərbion nə ım ki məhkum bedə ni bəlkə bə insonon zid cinayətonədə təbliğati, mediya, zıvon və hətta elmi cəhətonədə himoyə kardedə.