De dınyo şiəyon 8 minə imom Həzrəte İmom Rıza(ə)-i səadıtinə milad ruji sorqardışi mınosibəti təbrik.
Imruj Hicri Ğəməri 1443-nə sori Zilğədə manqi 11 bərobər de 2022-nə sori İyonə manqi 11, De dınyo şiəyon 8 minə imom Həzrəte Əli İbne Musər-Rıza(ə) səadətinə milad ruji sorqardışi bərobəre.
Dınyo şiəyon 8 minə imom Hicri Ğəməri 148-nə sori Zilğədə manqi 11 Mədinə şəhrədə bə dınyo omən.
Dınyo şiəyon 8 minə imomi fəzilətonku nəğl bıə ki ıştə əsrədə İmom Rıza(ə)ku barzə alim nıbe və Əbasi xəlifə, Məəmun hejo de icloson dəvoniye İmomi bə məsələonədə şək-şubhə icod kardey çəy elmi zumandətiədə problem icod əkardi əmmo yolə İmom cəvobədə andə zumandətiş be cəmaəti heyrəti bois bıdə be, boçi ki Həzrəti cəvobon Kərimə Ğıronədə rişəş be.
İroni Xıdotələb və mısılmonə cəmaət, dınyo şiəyon 8 minə İmomi milad rujədə de mığəddəsə vırəon əcumlə İroni şimal-şərğ Məşhəd şəhrədə ə Həzrəti pokə hərəmədə iştiroki vositə ım ruji bənə idə ruji ğeyd kardəşone və şoy-vonəti kardedən.
Şer hande, məddohəti və Həzrəte İmom Rıza(ə)-i şəxsiyəti barədə nıtğ ijən şini və şərbət paybaxş karde əcumlə dınyo şiəyon 8 minə imomi milad ruji sorqardışədə bıə İroni mısılmonə cəmaəti bərnoməonin.
Tolışi rədio tərəfiku dınyo şiəyon 8 minə imom Həzrəte İmom Reza(ə) məvlud ruji bə həmmə dınyo mısılmonon təbrik ərz kardedəmon.
