Tehroni cımə nımoji xətib: bəşəri torixədə, Ğədire Xum qıləy mislış nıbıə məsələy.
Tehroni cımə nımoji xətib, votışe: bəşəri torixədə Ğədire Xum qıləy mislış nıbıə məsələy, və Xıdovənde xalığ hiç qılə mıvzoədə jığo bə Ğədir məsələ əhəmiyyət doəş ni.
Hicri Ğəməri 1443 minnə sori Zihəccə 18 iyən Miladi 2022 minnə sori İyolə manqi 18 minnə ruj de mısılmonon yolə idonku qıləyni, Ğədir nomo məxsusə əxloği və mənəvi idi bərobəre.
Ğədire Xun, Məkkə iyən Mədinə miyono qılə məntəğə nome ki Həccətol vidoədə, Xıdo Rəsul(s) Həzrəte Muhəmməd(s), dınyo şiəyon iminnə İmom, Həzrəte İmom Əli(ə)-i ıştəku bəpeşt, bənə Vəli iyən mısılmonon sərpərəsti elanış karde.
Tehroni cımə nımoji xotbəonədə, Huccətul İslam Kazım seddiği əlovəş karde: Ğədir, çı islami komiləti nışonəy iyən islami ictima roy plane, və İslami ictimaro, tədbiron təinış kardə.
Huccətul İslam Kazım seddiği ijən əlovəş do: pərhizkorəti çı dınyo iyən axırəti himoyəkəy, iyən kərimə Ğıronədə həm omə ki har kəs bə Xıdo ehtırom bınə, Xıdo həm bəyro roon oj kardedə.
Tehroni cumə nımoji xətib ijən islami hicobi oqətey, çı İroni həmmə milləti meyl zınəş be iyən əlovəş do: Xanımonro hicob, kəromət, şərafət iyən qıləy erje.
Huccətul İslam Kazım seddiği ijən əlovəş do: xanımonro hicob bənə ruhaniyon oləte, və dini təbliğəkəy, çən hicob qəte məno coyliyəti ni.
Tehroni cımə nımoji xətib ijən təsdiğış karde: ımruj bə İslami inğilobi bərəkəti xoto, İronıjə xanımon, muxtəlifə məhorəton iyən baxşonədə ozavziyə bıən, və dınyo məşhuronku bə hisob omeydə.
