Pars Today

İslomi İnğilobi Yolə Rəhbər hamiyəşe: mısılmonə milləton iyən hətto dınyo ğeyri mısılmonə millət ciddi surət, Ğudsi işğolçiyə ejimi cari cinoyətonku ğeyzinin və ehanə ım vəhşiyə hərəkəton dəvomış bıbu, dınyo mısılmonon iyən muğaviməti ğıvvon səbriz iyən betab bəben və hiç kəs karde zınəş ni ki çəvon vəy bıqəto.

Imruj Seşəmbə rujədə İslomi İnğilobi Yolə Rəhbər Həzrəte Ayətullah Xamenei de İroni elmi vey çokə stedodin və ellitaon vindemonədə, de işorə bə Ğəzzə tanqədə Fələstini milləti etosniyeədə sionist rejimi cinoyəton, bə bombardımoni zərruri bırniye təkidış kardə.

Həzrəte Ayətullah Xamenei Fələstini cari hodisəon, həmmə dınyo vədə,oşkoə etosniye və sionist rejimi oşkoə cinoyət zınəşe və de işorə bə sioniston hərəkəton siyosət noeyədə Amerkəvıjon oşkoə rol, hamyəşe: de İron İslom Respublika rəsmi şəxson votımonədə kali kişvəron rəsmi şəxson i etırozon bə ım be ki boçi Fələstinıjon ğeyri hərbiçion kıştəşone? ım sıxən həğiğəti kse çera ki qədə şəhron sakin bıə kəson ğeyri hərbi nin və de siloh bə ico bıə kosonin əmmo ehanə əvon ğeyri hərbi həm bin, çe miğdor əvonku kıştə bıən və ım rujonədə Fələstini ğeyri hərbion çı miğdor şəhid bıən?

Həzrəte Ayətullah Xamenei ijən əlovəş kardə: sionist rejim ım miğdoriku çand sa bərobər, yəni dəvardə çand ruji mıddətədə, çand həzo ğeyri hərbiyə jen, hırdən, cıvon iyən piyə odəm kıştəşe və de cəmiyətinə mərkəzon və binaoni ki zıneydə ğeyri hərbion mandey və sakin bey vırəye bombardımon kardey, dınyo milləti çəşon vədə, cinoyət kardey holədəy.

Ə Həzrət de ım məsələ bəyon kardey ki bə Fələstini məzlumə milləti ələyh sionist rejimi devləti veyə cinoyəton xoto, be şək ım rejim bəpe mıhokimə bəbe, Amerkə devlət sionist rejimi siyosəton məsul zınəşe və əlovəş kardə: bə veyə məlumaton əsos, sionist rejimi ım rujon cariyə siyosəti siyosət noey və tənziməkə, Amerkəvıjonin və ım məsələ barədə Amerkə məsule və bəpe ıştə məsuliyəti bızno.

Həzrəte Ayətullah Xamenei de təkid bə ım ki Ğəzzə tanqə bombardımon təcili bəpe bırniye bıbu, islomi kişvəronədə mısılmonə milləton iyən hətto Avropa iyən Amerkədə ğeyri mısılmonon ictimaon və qırd bemonon, sionist rejimi cinoyətonku milləton ciddiyə ğeyzinə nışonə zınəşe və hamyəşe:  ehanə ım vəhşiyə hərəkəton dəvomış bıbu, dınyo mısılmonon iyən muğaviməti ğıvvon səbriz iyən betab bəben və hiç kəs karde zınəş ni ki çəvon vəy bıqəto.

İslomi İnğilobi Yolə Rəhbər ijən əlovəş kardə: həlbətə sionist rejim har ko ki əncom bıdə karde zınəş ni Ələğsa Tufan nomo əməliyotədə ıştə beabruçiyə məğlubiyəti əvəz bıko.