Mehran marziku ixracati məhsulon erj 69 faiz əlovə bey

İroni ğərb, İlam ostani qomroki yol, dəvardə 4 manqədə və dəvardə sori muğaisədə, ım ostani marziku əmtəə ixracati 69 faiz əlovə beyku xəbəş do.

Zinə, İroni qomroki yol, Ruhollah Ğolami de İrna votımonədə votışe: dəvardə 4 manqədə, Mehrani marziku bə İrağ və co kişvəron 1 milyonon 105 həzo və 109 ton əmtəə ixrac bıə ki ım miğdor, vəzni cəhəto, 86 faiz və erji cəhəto, 69 faiz əlovə bey nışoş do.

Ğolami ijən əlovəş do: vey ixrac bıə məhsulon metal, plastik, mileqerd, kaştımoni məhsulon, ruşnə kabl, çini iyən teyə karton  şomil be.

Bə İlam ostani qomroki yoli votəyon əsos, dəvardə 4 manqədə, 46 həzoku vey kamyon bə Mehrani marz varid bıə be.

Ğolami ijən votışe: Mehrani mərziku tranzit miğdor, 65 həzo 690 ton de 2 həzo 558 kamiyon kırniyə bıə ki 171 faiz əlovə bey nışoş do.

İroni ğərb, İlam ğərbi cənub 85 kilometrədə, Mehran mərziyə şəhrıston de İraği paytəxt, Bəğdad 230 kilometr fasiləş heste.

IM şəhrıston ixracati fəaliyəton iyən de İraği hamsuyə kişvəri İroniku zairon şe-omey mərkəz bə hisob omeydə.