İroni İslamiyə İnğilobi Sepah təşkilati fərmondə: dıyo əmniyyət və oroməti, məntəğə millətonro İroni mesaje.
İroni İslamiyə İnğilobi Sepah təşkilati fərmondə votışe: dıyo əmniyyət və oroməti, məntəğə milləton və dıvlətonro İroni stratyejikə mesaje.
Bə İran Peres aqentiyəti raporti əsos, zinə və İroni cənubi Bəndər əbbasədə, Sepah dıyo ğıvvə mudafiə iyən təxəsusi əbzaron ilhoğ kardey mərosimədə ki de silohinə ğıvvon həmmə ğərorqohon rəis və kişvər iyən ləşqərə rəsmi şəxsonku kali iştirok bərpo bıə, İroni İslamiyə İnğilobi Sepah təşkilati həmmə ğıvvon kamandir əlovəş karde: İron İslam Respublika məntığ bərobərəti heste iyən İron həmmə milləton sərnıvışti ğanuni zıneye.
Qeneral Səlomi ijən bəyonış karde: İron İslam Respublika deşmənon vey soron cəhdışon kardə be ki de iğtisodi məhdudiyəton və siyosi coyliyəti vositə kişvəri bə inkişof rəseyro mane bıbun.
Əv ijən votışe: deşmən həmişə həmmə islami dınyoku islamiyə inğilobi votımonon nıfuzi məhv kardey dumoədə be və həminə cəhətədə və İroni zumandəti məhdud kardeyro ıştə xərobəkə iyən xəbisə siyasətonədə, Təkfiri qrupon icod kardey, terrorizm və muxtəlifə canqon hevujəti ğərorış do.
İroni İslamiyə İnğilobi Sepah təşkilati həmmə ğıvvon kamandir həmçınin işorəş karde ki Fars dıyo məntəğə kişvəronku kali fik kardedən sionist rejim, karde bəzne Amerkə pesoxtə bıə yoləti nıbey çolə pur kon, ijən votışe: ım qıləy məğlub bıə siyasəte.
Qeneral Səlami İslami sərzəminon və Asiya ğərb məntəğədə sionist rejimi iştirok vey tov nıvardənin iştirok zıneydə iyən votışe: sionist rejim bənə be rişə do mandedə ki zoş ni ki ıştə toğəon co qılə sərzəminonədə hevuj iyən bə ozavziyə bırosno.
İroni İslamiyə İnğilobi Sepah təşkilati həmmə ğıvvon kamandir işorəş karde ki İron İslam Respublika milli əmniyyəti sərzəmin iyən şua anədəy ki İron İslam Respublika mənafe dəvom peydo ko, ijən əlovəş karde: dıyovonəti İroni sərzəmin iyən İroni cariy və təhərokinə molonku bə hisob omeydə, dınyo har vırədə, İronıjə kəşti bənə İron İslam Respublika sərzəmin bə hisob omydə.
